Ripuq 26 tiqsi muyuq 2022 watapim Perú suyu pisichallamanta llallirachikun Uruguay suyupa futbolistankunawan.
Kay pukllaymi hukurqa Estadio Centenario Montevideo Uruguay llaqtapi.
Chullalla goltam chuarqa Uruguay suyupaq pukllaq Arrascaeta 41 minutukuna pukllay qallarisqan hawa.
Ichaqa 92 minutukuna pukllayninkupim, Perú suyupaq pukllaq Trauco, chawpipi pukllaq pilutata kallpallawanña qaytaruspan Uruguaypaq pukllaq porterota qara q’unpuntawan qarkaruptin kikintawan kuska arco ukuman apaykurun.
Achka runakuna qawaqkunapaqmi gol ruwasqa karqa, ichaqa VARmi urqumurqa llimpisqakunata, hinaspam nirqa manam 100% arco ukuman llaykunchu.
Pukllachkaptinku puni, árbitro mana pukllayta sayachiyta munarqachu, llaykusqan utaq mana llaykusqan chiqapta qawanampaq.
Chaywanmi nisyu nisyuta Perú suyupaq pukllaqkuna, chaynallataq lliw qatiqninku supa supayta piñakurqaku.
Kay awqanakuymi redes socialkunapi hinalla kachkan kunankama, chaypim achkallaña runakuna, kikin VAR ruraq, Antonio Ibáñez de Albapas nin rikuchiwasqanchikqa VARpi likaykunaqa manam aswan allinkunachu.
Kunan, Perú suyu allichakuchkan Paraguay suyuwan futbolpi atipanakunankupaq kay hamuq 29 pawkar waray killapi, kay pukllaymi kanqa Perú suyu Lima llaqtapi. Kay pukllaypi Perú suyu atiparuptinqa repechajeman yaykunampaq allin kanman, chaymi kunanqa Perú suyu pukllaqkunapa chakichallampim kachkan atipananchik utaq manapas.
