Lima llaqta umalliq tayta Jorge Muñoz Wellstam kamachikuyninmanta hurqurqunku.
Abogado Carlos Hinostrozam 29 uma Raymi killa 2021 watapi Jorge Muñoz Wellsta denunciarqan Jurado Nacional de Eleccionesman. Paykunam kay denunciata atipaspanku qarqurqunku umalliyninmanta.
Imanasqataq urqurqunku umalliyninmanta
29 uma Raymi killa 2021 watapim abogado Carlos Hinostroza denunciata churarqa Muñoz umalliqta atipaspan. Kay mañakuytañataqmi JNE, José Luis Salas Arenaspa umallisqan, chaskirqan, Jurado Nacional Elecciones Plenonpi likaykuspa, arí chiqapmi nispan umalliyninmanta urqurun kay ripuq 26 ayriway killa 2022 watapi.
Paykunam tarinku huchanpi kasqanta, Lima llaqta umalliqña kachkaspa SEDAPALpi DIRECTOR DE Servicio de Agua Potable y Alcantarillado de Limapipas 4 cuotata chaskirqan 2019 watapi.
Art. 22, numeral 10 Ley Orgánica municipalidakunapa kamachikuynimpim, iskay hawaqpi qullqichakuy mana allinchu, chay raykum urqurunku umalliyninmanta.
Kay iwi mañakuymi karqa 12 ayamarka killa 2021 watapiraq, chaypim JNE mana atiparqachu kay mañakuyta.
Sedapalpim llamkarqa ex ministro de vivienda Carlos Bruce mañakusqan rayku, chaypim 23 pawkar waray killapiraq contraton qillqasqa karqan. Chay pachamanta kunan kamam Muñoz Wells iskay estadopa institucionimpi llamkarqa, iskay hawapi qullqita chaninchaspa.
Qillqaq: Ines Acosta.
Revisión: Benito Zuasnabar.