Peru suyu umalliq Poder Ejecutivom kay ripuq chaskachaw punchawpi qillqarun hunAutografa nisqanta, AFPmanta 18,000pa chaninkama hurqunapaq.
Ministerio de Trabajo y Promoción del Empleom (MTPE) congresista Digna Calleta qayarqa ceremoniapi kananpaq, kay tupuypa impulsoran kasqanrayku.
Piruw suyu umalliq Pedro Castillo Terronesmi, kay ripuq chaskachaw punchaw, 20 aymuray killa, 2022 watapi qillqarun hatun kamachikuyta, chaywanmi 18,400 qullqipa chaninta kimsa hawaqpi hurqunqaku retiro extraordinario de Fondos Privados de Pensiones, 4 UITman tupaqta (18,400) pandemia covid 19 huchanpi kasqanchikrayku.
Kay willakuytam apachimuwanchik Ministerio de Trabajo y Promoción del Empleo (MTPE) nisqan.
Kay hatun quñunakuymi apakurqa, ripuq chaskachaw punchaw, Palacio de Gobiernopa comedornimpi.
Manaraqmi yachakunchu kikin chiqap cronograma kay qullqi hurqunapaq, ichaqa nichkankum, kimsa kutitam hurquna kanqa nispa, manam chulla hurquyllapichu lluqsinqa llapallan qullqi, nispankum ninku.
-Piwi qullqi hurquymi kanqa 1 UITman haypaq, 30 punchawtam mana atipanmanchu.
-Hatiqnin qullqi hurquymi kanqa 1 UIT 30 punchawta manataqmi atipanmanchu.
-Qipa qullqi hurquymi kanqa puchuqllampaqña 2 UITpa chanin, kaypas manam 30 punchawta atipanmanchu.
AFP Fondokunamanta haykapa chanintañataq urqurqunku?
Adjunto Superintendente, Elio Sanchezmi nin: kunan kama ñam 66,000 wara waranqapa chanintaña hurqurunku nispan. Kay qullqikunam lluqsirqa piwi 5 hatun kamachikuy qusqankuwan, kay pandemia covid 19 impactompa huchanpi. Nimuwanchiktaqmi 45% qullqi hurquqkunam hina kunanpuni llamkaqkunapa kachkanku.
Qillqaq: Ines Acosta
Runasimipi: Benito Zuasnabar