Bambas minapim Peru suyu umalliqkuna uqarirunku estado de emergenciata Challhuahuachu, Coyllurquipiwan, comunerokuna huk killa sayaruyta quchkanku.
Kay minapim llamkaq, aylluntinkuna Lima, Cusco, Arequipa llaqtakunapim kikllun kikllun purispanku gobiernota mañarqanku ruwayninkuman kutiykuyta, chay raykum comunerukuna yuyaynarinakuspa huk killa sayayta qun, kaq patamanta llamkanankupaq, chaymi gobiernopas huqarirun estado de emergencia qusqanta.
MMG mana llamkarqachu 14 ayriway 2022 watamanta kunan kama, chaymi kay rimanakuman chayaspanku nin 15 junio killamantam qallarisaqku llamkayta, kunallanqa manam atiymankuchu, llapa kay minapi llamkaqkunam kutimunqaku llaqtankumanta nispan.
Peru suyu umalliqkunam kay estado de emergenciata huqarirunku Challhuhuacho, Quyllurqi, Cotabambasman tupaq campesina comunidadkuna MMG minawan rimanakuspanku huk killa sayayta quchkan, comunerokunam MMGman tukuy mañakuyninkunata uyarispanku ruwanankupaq.
Decreto Supremo 064 – 2022 – PCM, hayna punchaw 10 inti raymi killa 2022 watapi diario El Peruanopi publicamun kay estado de Emergencia huqarisqanta.
Suqtantin purun runakunam comunidadkuna: Fuertebamba, Huancuire, Chila, Choaquere, Pumamarca, Chuicuni kay Bambas minaman tupaqkunam comprometekuchkanku mana ima awqanakuypas kay plazo qusqanku ukupi kananpaq.
Sapa comunidadkunapim mesa de dialogo nisqanta churanqaku, allin thamuytayman chayanankupaq. Edgar Orderique, Bambas minaspa gerente generalninmi nin 15 intiraymi 2022 watamantam qallarinqa yupaynin kay 30 punchaw sayata qusqanku, tukunqañataq 15 anta sitwa killa 2022 watapi nispan.
Qillqaq: Ines Acosta.
Revisión: Benito Zuasnabar.