Peru suyupi Ministerio de Educacion umalliq, tayta Rosendo Sernam RPP noticiaspi kamachikamun kay killachaw 29 punchaw qapaq sitwa killa 2022 watamanta pacha qipanman kay uya tapakunata yachay wasikunapi yachakuq warmakuna manañas churakunqañachu.
Sapa kamapa sunqun kamachisqanman hinas munaspalla churakunqaku, yachay wasi ukupi chaynallataq hawa markankupipas.
Kay kamachikuytas, ripuq illapachaw 25 punchaw, qapaq sitwa killa, 2022 watapi llapa Consejo de Ministros quñunakuykuspa, mana pipa michakusqan ari ninku; ichaqa kay kamachikuysi Diario El Peruanopiraq kay chaskachaw 26 qapaq sitwa killapi riqsichisqa lluqsinqa.
Chaynallataqmi, Ministro Serna willakamun, ñas yachay wasi markankunapiqa warmakuna mana uya tapayuqña kasqaku, kunan kay kamachikuyqa lluqsimuchkan yachakunanku wasiukupipas munaqninkunalla churakunankupaq.
Kay kamachikuymi lluqsimun llapa warmakuna mana uya tapayuq parlarinankupaq, rimasqankuta allinta uyarinankupaq, amawtapa yachachisqanta allinta chaskinankupaq.
Umalliqkunam nimuchkanku, atipanqakus llapan Peru suyupi vacunakunawan, 2 utaq 3 dosiswan llapallan likaq warmakunapaq, kay covid 19 wiñaypaq chinkananpaq.
Yachay wasipi amawtakunapaqsi hinalla munastin, mana munastin uya tapa hatallinanku, paykunas aswan vulnerable kanku warmakunamantaqa, chaymi paykunaqa kamachisqa kaqchkanku.
Ministerio de Salud umalliq tayta Jorge Lopezmi michakurqa kay kamachikuyta, paymi nirqa chayraqmi lluqsichkanchik kay 4 olamanta, unquy covid 19 11% piraq kachkan, chinkarichun 5% kama, manachayqa kawsarirunmanmi kay unquy nispa. Chaynata nichkaptinmi kay killa chaw 29 qapaq sitwa killa 2022 watamanta pacha kay kamachikuy el peruano oficial willakuypi riqsichimurqan hinalla kachkan kachkan.
Qillqaq: Ines Acosta.
Revisión: Albino Benito.