Huamanga hatun llaqtapa hatun yachay wasinpim 25 punchawpi, 2022 watapi kantaray Killapi qukurun yachakuqkunapa hatu hatun mañakuyninku, manas semestre tukunallanankama ni allichasqachu kan yachana wasi ukukuna, manas llapan yachachiq amawtakunapas kanchu, mikunankupaqpas pisillata ruwanku, mana llapa chaypi yachakuq warmakunaman aypaqllata.
Kaykuna, chaynallataq huk mañakuyninku mana uyarisa kasqanrayku llapa chaypi yachaqkuna, Federación de Estudiantes nisqanpa umalliqnin, chaynallataq Ayacucho Frente de Defensapa yanapasqan iskay punchaw paro nisqanta ruwarqunku 25 punchaw kataray killapi.
Kay yachakuqkunapapa mañakuynin uyarisqa kananpaqmi Wamanga llaqtaman riq carreteratapas wichqarurqanku, mana 2 punchaw qatuopas karqachu, hatu hatun chaqwapi llaqta rikukurqanku.
yachakuqkunapa mana allin kawsaq, piña piña runakuna chaqrukuruspa hatun yachay wasinpa rectorado punkunta kañaruspanku tukuyniraq pantaykunata ruwarunku chaypi kaq oficinakunapipas.
Manayá kayqa allinchu, imaynamá ancha, ancha kuyasqanchik yachay wasinchiktaqa purmachichwan.
Universidad Nacional San Cristóbal de Huamanga umalliqninkunam Kay chaqwapa qipanman huk comunicadota hurqurunku hinaspam willamuchkan:
Chiqapsi kay pandemiyapa huchanpi achka ruwayninku ruwakunchu, qillqaqkunapa ñakariyninpaq.
– Manas Kay lliw ñakariyninkupa huchanpi yachay wasinkuta kañanmankuchu, ima huchayuqmá priqankunku.
Tukuy Kay ñakariykunapa qipanmanmi hatun yachya wasi umalliqkuna Kay tantiyaykunaman chayanku:
– Yachay wasi wichqakunqa kay una nanaykuna tukunankama.
– Manas kanqachu mikunanku wasi.
– UNSCH nisqanpi administrativo llamkaqkunapas wasinkumanta pacha virtuwalllapi llamkanqaku. Kay llaqtapi yachaqkunam llumpa llumpa sunqu nanasqa, llakillawanña kay uma nanayta qawachkaniku, chaymi mañakuniku sumaqta tantiyarinakuspa, mana awqanakuspa allin kawsayman chayanankupaq, yachasqanchik hinam ay UNSCH nisqanqa una unay watayuqña, paymi UNMSM nisqanman qatiq.
Qillqaq: Ines Acosta
Revisión: Albino Benito