Manaña kay pusaqnintin killapi ayllunkunata llaqta qapariypi wañuchisqanku rayku justicia mañakuq riqkunatam Paseo de los Héroes Navales nisqanku markapi pisipasqa samarichkaptinku pimiento samaywan chaqchuykurunku.
Manas kay justicia mañakuqkuna ima ruwaytapas atisqakuchu, qunqayllatas ñawinkupas rawrayta qallaykusqa, wakin puriq masinkupas chay punillas qayllas unqurunku, huk puriq masinkus puñurusqan.
Kikinku punillas yanapanakusqaku, hinaspas hampina wasiman hampichikunankupa apasqaku.
Hampiq wasipiñataqsi nimunku yakullawan mayllikuychik, chayllawanmi allinyankichik nispa.
Ancha ancha, llakisqa, nanasqas tarikunku, imaynam suyunkupi puni kaynata kumuykachachinku. Paykunaqa manas ima chaqwatapas ruwaqasqankuchu, simillankuwansi justiciata wañuqninkunapaq mañakusqanku, mana pitapas ima nispa.
Tapukuchkanku kikinku pura ¿Kanchu piruw suyupi justicia?
Tukuy kay llaki, nanay, qunqaywansi mana kay suyuyuq musyakunku, manas piman asuykuyta atinkuchu, hina suyunkupis mana pipa riqsisqan, wakcha, purun wayta hina tarikunku.
Paseó de Los Héroes Navalespis vigiliaya ruwasqaku.
Ñawpaqtaraqsi purimusqaku congreso de la Repúblicapa ñawpaqninkunapi, chaypis, ñawpaqtaraq musyasqanku ñawinkupi rawrayta.
Kay ñakariykuna manaraq kachkaptinmi 6 puriq masiyku chaskisqa kasqaku Fiscal de la Nación tayta Juan Carlos Villenapapi . Paykunas yaykunqaku Organización Nacional de Mártires y Víctimas 2022 _2023 sutinpi.
Kaypis yachayta munasqaku imaynam justicia mañakusqankupa puriynin kasqanta, hinaspas mañasqaku Kay qallariy maskariy qawaykachay utqayman puririnanta.
Kay ripuq 1 quyllurchaw punchaw, aymuray killa 2024pis Perú Suyu umalliq Dina Boluartepa pipanpi siminkuta huqarisqanku manaña kaychika killakunapi justiciata aypusqan rayku.
Tukuy kay llakiykuwanmi, nanayniykupa atipasqan simi pura, kikiyku puralla llapan suyu masiykuna qayachkaniku huk similla, huk sunqulla quñunakuspayki uyarichikunaykupaq. Perú suyuqa llapanchikpam, umalliqninchik chay punillam rikuwananchin wakchatapas aputapas. Chaynatam Exitosa Wayra wasiman rimarimunku llapa ayllukuna Raúl Santillán, Asociación de Mártires y Víctimas 2022 y 2023 nisqapa umalliqnin chaytaqmi rimarimunku ayllurunakuna, Remo Candiapa Turín, tayta Rómulo Candia, mamá Karina Markapi, estudiante Alex Roly Marapipa maman. Aswan piñasqa, kachkanku kay preliminar investigaciones Lima llaqtaman aparamuptinku. Tapukuchkanku ¿Imaynam qatipasaqku Juliaca, Puno llaqtamantaraq kay preliminar investigaciones puriyninta nispanku.
Qilqaq: Ines Acosta
Revisión: Albino Benito