Kay musuq Reforma nisqankuwanmi, Perú suyupa 80 wata puririsqanta, qipaman churachkanku.
República periodicopim willamuwanchik:
Ayacuchopi Colegio de Abogadosi churanqa huk kirillata Tribunal Constitucionalman, kay qillqasqanku Proyecto de Ley incostitucional kasqan rayku, sichus promulgasqa rikuriptin.
Ayacucho, Colegio de Abogadosmi michakuchkan kay Reforma promulgasqa kananta, manas allinchu kay congreso 2 kutipi ruwasqanku,
Kay Proyecto de Ley Código Procesal penalpa kamachikusqantam tikrayta munachkan, Munisterio Publicopa ruwaynintam qichuspa, PNPman quyta munachkanku.
Kay Colegiom michakuchkan, manas kay Dictamen de Proyecto de Ley No. 07204- 2023/CR puririnmanchu ni huk niraq Leykuna Constitucion Públicata atipayta munaspankuqa.
Kay penal investigacionqa Ministerio Públicopa ruwayninmi, manam PNP ruwanmanchu. Kay Leyta promulgaspankuqa, Constitución Públicapa kamachikuynintach sarutyachkankuman.
Paykunataqmi ninku: puririchinqakus mecanismos legales nisqankuta, hinaspas mañanqaku llapallan Colegio Profesionalkunata huñulla michakuyninku Tribunal Constitucionalpi uyarichinankupaq.
Kay 2 kuti votacionpi ruwasqanku mana allin reformaqa rinqas Poder Ejecutivoman, legal kanampaq.
Kay Reforma de Proyectowansi qipaman kutirichkanchik 80 watapi. Manas kay kamachikuyninkuwan mayqin derechonchikpas, nitaq garantianchikpas kanqachu, ñawpaq “Atestado policialpi” hina.
Ministerio Público umalliq, taytam nin: Kay Reforma ruwayninkuwanqa nisyusutam congreso pantachkan. Nintaqmi qallariyninmanta pacham Constitución Politica kay ruwayta churan Ministerio Públicopa makimpi, ñuqaykumanmi tupawanku kay penal huchallikuy investigación apayqa, chaynatam kamachikun Art. 159- inc. 4 Constitución Pública.
Kay congresom, pantasqa Reformata ruwarunku 2 votacionpi, kay 4 punchaw chiri Raymi killa, 2024 watapi.
Kay proyectowanmi qichuyta munachkanku Ministerio Públicopa ruwayninta, PNPman astaspanku. Kaytam ruwachkanku, Ministerio Público, autónoma institucionmanta qichuspa Ministerio del Interior munasqanta ruwanampaq, ichaqa yachasqanchik hinam PNPqa kay Ministerio del Interiorman iñisqa.
Kaynam karqa kay Reformapa votacionnin:
80 votowanmi aprobarqa, 06 votom mana munarqachu, 31 votoñataqmi, anri nitaq manam ninchu, upallachallam qatallirqaku.
Pikunam anri nirqaku:
Fuerza Popular (FP), Alianza para el Progreso (APP), Perú Libre, Bloque Magisterial, Renovación Popular.
Qawasqayman hinam kay congresopa ruwayninqa manam allinchu, tukuy ruwayninkum llaqta atipaq. Manaya allinchu.
Fiscal de la Nación, tayta Juan Carlos Villenam nin:
Manam kay ruwayninkupaq PNPqa capacitasqachu kanku, manataqmi kanchu maypi kay ruwaykuna qispichinankupaq, nitaqmi kapunkuchu kay investigación penal yachaq runakuna nispan kaynaqa, maymanya pusawaychikta munachkan kay Perú suyu congresonchikqa.
Qillqaq: Ines Acosta
Revisón: Albino Benito