Sapa uma killapim, Qusqu, sumaq llaqta, takispanku, tususpanku, harawispanku, sumaqchata pachakuspanku, miskillataña mikuspanku, San Jeronimopa punchawnimpi hayllinku.
Kay raymipim iskay llaqtakunapa yachaynin chaqrukun. Hukmi awkinchikunapa yachay saqiwasqanchik, hukninñataqmi huk law llaqtayuq ispañulkuna chayamuspan católico taytachanman iñichiwasqanchik apamusqankuta.
Kay killapim yuyaymananku taytacha San Jeronimota, paytataqqmi tawa punchaw puni rayminku.
Sapa watam, kay uma Raymi killapi, Qusqu llaqtapa waqtachanpi San Jerónimo sutiyuq llaqta kachkan, chaypim sumaqllataña Doctor Patrón San Jerónimo sutiyuq taytachankunata kusisqallaña rayminku.
2016 watapim kay sumaq haylli unanchasqa karqan PATRIMONIO CULTURAL DE LA NACIÓN sutiwan.
Kay raymim allin tupaylla Corpus Cristi, chaynallataq taytacha Quyllur Ritipa rayminkunawan.
Kay rimasqanchik raymim tawa punchaw, 27 uma raymipi qallarispa 30 raymi killapi tukun chaymi waranqanpi watukuqninku llapan tiqsi muyumanta chayanku, chaypim karquyuq, tawantin punchaw kimsa kutita sapa punchawpi mikuchin llaqtantinman, chaypaqmi ayllunkuna, aynita mikunapi, upyaykunapi, banda, orquestakunapi qunku. Municipalidadpas chaypim paykunawan kuska sumaq raymi kananpaq yanapanakunku.
Chiri uchu sutiyuq qusqupa mikuyninmi chay punchaw llapampa mikunan, kay mikuymi quwi aycha, challwapa runtunkuna, waka aycha, charki, hawas, papakunawan qispichisqa.
San Jerónimoman, Qusqu llaqtapi, kay punchawkuna chayaspaykiqa allintam mikunki, kusatam upyanki, tusunki pisipanaykikama. Misawanmi qallarin, procesionpa qatisqan, harawi, desfile, markankunapi, kikllunkunapiwanmi, tusuy. Llaqtantin punim, waranqanpi kay kusi raymipi kanku,
Doctor Patrón San Jerónimota yuyarispanku.
Doctor Patrón San Jerónimom kasqa hatu hatun yachayniyuq, paymi bibliata latinman tikrachisqa, hinaspapas sagrada ESCRITURASTAPAS riqsisqa yakuy yakuychata, paytaqmi allicharqa tukuy ima yachaykunata, chaymi Iglesia católica, ruwayninta riqsiykuspa, tutuy kuyakuyninwan uqarisqa.
Piwi sutin, manaraq canonizasqa kachkaptinmi kasqa JERÓNIMO ESTRIDÓN, hina qipanmanñataqmi canonizaroptinku riqsinchik DOCTOR PATRON SAN JERÓNIMO sutiwan.
Kay tayta Patrón San Jerónimo hatu hatun yachayniyuq kasqa, chaymi 1570 watamanta pacha kunan kama hayllinku sutinpi, kaymi ruwakurqa Valle Sur Parroquiapi (Andina)
San Isidrom lliw catolicokunapaq hatu, hatun yayanku, paypa ruwayninta qatipaspanku kusi kawsayman llapa iñiqninku pusananpaq.
Bibliata tikrasqan qawam qusqaku huk titulota “DOCTOR DE LA IGLESIA” sutiyuqta 1295 watapiraq, kay uqariywanmi riqsikuyninta napaykuspa chayachiraku.
Allin umayuq, allin nunayuq kasqan raykum, wara, waranqantin sapa wata iñiqninkuna paymanta rakikunkuchu.
kay raymikuymi qallarirqa 1570 wata manta pacharaq, parroquia San Jerónimo qispichisqankumanta pacha.
Kay parroquia, ermitantinpiwan ruwasqa kasqa ñawpa awkinchikunapa allpampiraq.
purisqnchikman hinam kay suti tikrakurun TEMPLO DE SAN JERÓNIMO sutiyuq qatun católico wasiman, ñam 400 wataña chaymanta kachkan.
Kay DOCTOR PATRÓN SAN JERÓNIMOpa armakuyninmi 2 metro sayayniyuq, ruwasqam kachkan iskuwan, qarawan,kullukunapiwan, chaymi sumaq, kuyapa uya, asiq ñawi, llampu sunqu, barba sapa machucha rikurin. Pachantam sapa wata karquyuqkuna mudachinku, sumaq puka kapachampim karquntimpa sutinta apan. Makimpim hukpi bibliata hapin, huknin makinpiñataq qurimanta ruwasqa qillqaqta, chaywanmi iñiqninkuna yuyarinku biblia tikrasqanta, chaynallataq católico yachay sapa santo doctor kasqanta.
Qillqaq: Ines Acosta
Revisión: Albino Benito