Paymi, piwi Perú suyu umalliq, watay wasiman churasqa rikurin kay ODEBRECHT, organización tupaqpi. Kay ñawpa umalliqninchikmi huchallikusqa 35 wara waranqa dolaresninpi, kay brasileña organización Odebrecht sutiyuqmanta chaskispa.
chaymantam rimamuchkan, colusión y lavado de activospim huchallikusqa,
Kay II – III etapa carretera interoceánica Perú suyu, Brasilwan tinkuqpi.
Perú suyupa kirillanpim lluqsimun kay , watay wasiman churaynin, chaymi lliw willakuy mastarikurun lliw tiqsi muyupi. Toledopas kachkan corrupción brasileña Odebrecht carretera interoceánica qispichisqanpi huchallikusqan.
Kay kirillatam churasqa Fiscal de la Nación Anticorrupción José Domingo Pérez. Paymi nin kay ñawpa Perú suyu umalliq Alejandro Toledo Manriques mañasqa 35 wara waranqantin dólar qullqita odebrechtman sayananpaq kay carretera interoceánica paykuna licitacionpi atipananpaq.
Toledopa huchallikuyninmi chayan odebrechtmanta soborno chaskisqan, kay mana chuya qullqi yaykumusqan 2013 watamantaraq. Kay carretera interoceánicam 2600 km. sayayniyuq.
Josep Maiman, Toledopa ancha kuyasqan payilninmi Ministerio Públicopa willakusqan hina, kasqa testaferron, paymi qullqi chaskiq, paytaqmi Lima wasinpa manukuyninkunata chaskisqan qacha qullqiwan atipaq, ichaqa manas willakusqachu ima qullqiwan chaninchasqantaqa.
Alejandro Toledo Manriquem, Fiscaliapa imawanpas qawachimusqan hawa, ñawpa Odebrecht directivon Jorge Baratapa declaracioninkunawan sentensiasqa lluqsin 20 wata, 06 killantin, tukuy kay yachaypis Barbadillo watana wasipi kanqa, hinaspapas 03 wata mana estadopaq llamkayta atinmanchu, chaynallataq 242 punchaw kanqa estadoman chaninchananpaq.
Audiencia puchukaynimpiñam Alejandro Toledo Manrique mañakun, “Wasiypim kayta munani, chaypim cáncer unquyniymanta, puywaniymanta hampichikuyta munani, wasiypitaqmi munani wañukuyta” nispan.
Nintaqmi, Toledo,ӄuqaqa inocentem kani, manam haykapllapas Jorge Baratawan tatiyarinakurqanichu, nitaqmi testaferro Josep Maimanwanpas.
Josep Maimansi odebrechtmanta chaskisqa 43 wara waranqa dólar qullqita, hinaspapas chaskisqataqsi 1 wara waranqa qullqita eurokunapi chaninchasqata.
Chay qullqis kachkan Suiza Bancopi, ayllunpa waqaychasqan. Toledopa sentencianpaq huk punchaw kachkaptinraq Estados Unidos suyu aparachimun huk ampliacionta Toledopa extradicionimpaq ECOTEVA, huchallikuyninman tupaqta. Kaypis rikurichkan tantullay tantu Odebrechtpa Costa Ricapi qullqi allichasqan, kay qullqiwantaqsi wakpi wasikunata rantisqa.
Kay procesopitaqmi tarikuchkan warmin Eliane Karp, paymi kunan punilla Israel suyupi yachachkan.
Kay sentenciawanmi Perú suyupa musuq historian qallarichkan.
Kayqa qallariyllanraqmi, kunan puni investigacionpi kachkanku ñawpa Perú suyu umalliqkuna:
Ollanta Humala (2011 – 2016)
Pedro Pablo Kuczynski (2016 – 2018)
Alan García (2006 – 2011).Payqa yachasqanchik hinam mana wichqana wasiman riyta munaspa wañurachikurqa.
Qillqaq: Ines Acosta
Revisión: Albino Benito