Kay qapariyqa ruwasqanku hawam lliw qayllas likaqkuna huñunakuruspanku mañachkanku, kay hatun umalliq yachay wasimanta lluqsinanpaq.
Manam chay kikllupi puriq carrokuna llamkayta atinkuchu, llapa puriqkunam sayarunku. Kaypim llantakunata kañachkanku mana pipas puririnanpaq, chaywan mañakusqanku ruwasqa kananpaq.
Policía nacionalñataqmi, llapa likaqkunata mana awqaspalla suchurachin 3 punku lawman, hatun Yachay wasipa waqaychaqninñataqmi wichqarun wakin punkukunata ama hatun yachay wasita hapirunankupaq.
Llapallan likaqkunam sapa kamalla kikinku pura huk umalla, huk hamutaylla huñuranakuspanku chaqwachachkanku kay Av, Venezuelapi, kunan umalliqninku Jerí Ramón lluqsinanta mañaspanku.
Achkanpim qayllas likaqkuna pankartakunata huqarichkanku kay umalliqta atipaspanku.
Manam kunankama kay hatun yachay wasipa umalliqninkuna rimarimunkuraqchu ni iñispa utaq atipaspa ichaqa hatun yachay wasi San Marcosme lliw muyuriyninpi PNPpa qinchasqan kachkan.
Infobaepa willakusqanmi nin:
Ñaqas 80 likaqkuna Av. Universitaria, Av. Venezuelawan tinkusqankupi chaqwachchkanku llantakuntas kañachkanku.
Kay universitariokunapa mañakuyninmi kachkan:
1.- Umalliq Jerí Ramónpa lluqsiynin.
2.- Mañachkankutaqmi Art. 188 Reglamento Interno hatun yachay wasipa puchukayninta.
República periodicoñataqmi willawanchik, kay chaqwa kachkaptinpas manas likayninku samanchu, qayllasi chaskichkanku yachayninkuta hawkalla, mana pipa michakusqan.
Asociación Nacional de Universidades (ANUPP) huñuchkan llapallan hatun estadopa yachay wasinkunata. Paykunam kay ripuq 22 punchaw, Raymi killa, 2024 watapi San Marcos Umalliq Jerí Ramón Ruffner de Vegaman sayachkanku.
Paykunam willakuyninpi nin imapas tantiyanakuy utaq hamutay Elecciones universitarias ruwanankupaq, manam umalliqpa munayllanchu ruwakun, Kachkanmi huk Comité Electoral, Asamblea Universitariapa akllasqan. Paykunam hatun yachay wasipa autonomianta rikuspa ima kamachitapas ruwanku, Kamachikuyninman hina, nispan.
Qillqaq: Ines Acosta
Revisión: Albino Benito