Kay hatun raymi Mamacha Candelaria 2025, Puno huch’uy suyupi aparikunqa chunka
kimsayuq p’unchaw enero killamanta chunka pisqayuq p’unchaw febrero killakama, chay
p’unchawkunapi ima munay kawsay tusuykuna iñiyninkurayku aparikunqa.
Kay Mamacha Candelariaq rayminqa, aswan tukuy Perú suyumanta hatun riqsisqa
raymin, Puno huch’uy suyupi sapa wata aparikun, chaymi achkkha runakuna lliw
llaqtakunamanta, hawa suyukumanta ima chayarinku Punoman. Kay raymiqa
Patrimonio Cultural de la Nación hinallataq Patrimonio Inmaterial de la Humanidad
hatun riqsiykunawanmi riqsisqa kachkan, kay munay raymiqa, runakunaq
sunqunmanta lluqsimuq, iñiyninkunamanta, kawsayninkunamanta, munay imaymana
llimp’ikunayuq p’acharisqa, k’anchay k’anchayraq p’unchaw p’unchaw tusurinku lliw
k’iqllukunapi tusuyninpi llallinayukuspa, hinaspapas huñurikunku harawikuna,
tusuqkuna, hatun tukaq bandakuna, llapanku huk sunquhinalla mamacha
Candelariapi iñiyninkurayku.
Kunantaq yacharisunchik ima p’unchawkunapin aparikuchkan kay munay tusuy
ruraykuna, kikin ñawpa tusuykunamanta hinallataq k’anchariq p’achayuq
tusuykunamanta:
- Lunes p’unchaw 10 y martes p’unchaw 11 de febrero killapi: Parada y
veneración. - Miércoles 12 p’unchawmanta viernes 15 p’unchawkama febrero killapi:
Kacharpariykuna
Qillqaq: Helen Quiñones