Ancha ancha ñakariypi kunan punilla Ariqipay sumaq llaqta kachka, chay sutichasqanku LAHAR utaq lluqlla volkanpa aqtumusqan qunti lawmanta qacha, putka mayu, uchpata, rumita, yakuta astastin puririmuyta qallaykuptin
Kay ripuq kuychichaw punchaw chawpi punchaw ripusqanpis qunqayllata Matagentewan sutichasqa wayqunta huk putka, pipu mayu puririmuyta qallaykamusqa.
Chaypi yachaq runakunas mancharisqallaña kachkanku, ima llakitaraq kay lluqlla apamuwachkanchik, nispanku.
SEDAPAR, Ariqipay, potable yaku aypuq instituciónsi tantiyachkan ama yakunku qachachakunanpaq.
Lolidad umalliqkunas lliw huñunakuspanku hawachkanku imayna ruwayninkunata ama ni; chay lawpi wasikuna, nitaq oficinankuna, ni uywakuna ni ima tarpukuyninku kirisqa kananpaq.
Instituto Geofísico del Perú (IGP). Paykunas piwita rikurusqaku Kay LAHAR putka, qacha mayu puririyninta. 16.37 h qallarimusqa puririyninta Matagente wayqu ukunta.
Rimamuchkantaqmi Centro de Operaciones de Emergencia Nacional sutiyuq umalliqkuna, paykunam nimuwanchik Kay LAHARsi ancha ancha peligrupi churachkan laharpa qichpampi oficina, infraestructura, carreterakua, uywakuna, chaynallataq tarpukuyninkuta.
Chaypitaqsi kan Ariqipaypi, Sector del río Chilipapiwan Plantas de Captación y Tratamiento de Agua Potable SEDAPAR institucion.
Kay lawpitaqsi kachkan Plantas Clave potable yakupa suministron.
Sichu Kay LAHAR putka pipu mayu Kay obrakunawan chaqrukurunman hinaptinqa Ariqipay llaqtas mana allin yakuyuq rikurirunman, chaymi hawachkanku llapa umalluqkunata huk umalla, huk sunqulla tantiyarinakuspa kay una nanaymanta lluqsinankupaq.
Instituto Nacional de Defensa Civil (INDECIS) Nimuchkan qayllas chay laharpa qichpanpi yachaqkunata ayqinankupaq, uywaykichikta huk lawman astaychik, amam anchuykunkichik
Kay LAHAR qawaq nispa. Llumpa llumpa sasachakuqmi nispa.
Kay Laharpa, nisyu nisyu kallpasapam, purisqanpi tarisqantam astan, wasichu, carruchu, ima tarpuykunatapas. Chay raykun ayqikunaykichik, ama llakipi tarikunaykichikpaq.
SEDAPAR umalliqkuna huñunakuspa tantiyanakuchkanku, sichu ay LAHAR hinalla wiñarimunqa hinaptim imam ruwanankunata umallispanku.
Paykunam kamachikamuchkanku:
– Amas anchuykunachu chay lluqllapa qichpankunaman
– Amas chay qichpankunapi carro puririnmanchu.
– Amas chay qichpankunapi uywakuna michinachu.
– Uyariychik oficial wayra wasikunapi kamachikuykunata, – Uyariychik willakuykunata, chaynallataq llapa ima willaykuykunata Institutos Técnicos Cientí ficospa nisqanta, chaynallataq Centros de Operación de Emergenciapa (COE) nimusqankunata.
Qillqaq: Ines Acosta
Revisión: Albino Benito