Estados Unidospa umalliqnin Donald Trump, programa USAID sutiyuqta isqun chunka p’unchaw llapan tiqsi muyupi wisq’akapunanpaq kamachikun. Perú suyuqa llakipi afectasqam kachkan imaraykuchus achka programakuna kay qullqichakuywan llamk’arqanku. Aswanta kaykunamanta sut’inchaykunapaq, kaypi huk t’aqa qhillqasqa Encerrona portalmanta kachkan:
Maymanta willakuy: La encerrona
USAID: Perú suyuman qullqichasqan (2001-2024)Kaypi rikukuchkan hayk’a qullqitan USAID Perú suyupi llank’aykunapaq qumurqan.
¿Imakunapaqmi USAID qullqita Perú suyupaq qurqan?
Kay graficopin rikukuchkan hayk’a qullqitan USAID tukuy llank’aykunapaq proyectos de asistencia internacional nisqakuna Perú suyunchikpaq churamusqanta, kay datokunaqa hurqurikamun kay ForeignAssistance nisqamanta.
Yachanchikñam hayk’a qullqita llapanpi churakusqanta hinaspapas imaynatan kay qullqi sapa watapi rakikusqanmanta ima. Ichaqa ¿Imakunapaqmi kay qullqi churakurqan? USAIDpa willakuyninpi huk categoría nisqayuqmi kan, chaymi sutichasqa propósito internacional. Llapanpiqa pisqa chunka qanchikniyuq imaymana propósitos utaq aypaykuna, kay categoría nisqapim churasqa kachkan tukuy imaymana llank’aykuna, malaria unquymanta hark’akuypaq, utaq tuberculosis uyquymanta hark’akuypaq, control de narcóticos nisqakunatapas, hinallataq yanapakuy allin mikhuykunapaq alimentación básica nisqa.
Sichus kay criterios nisqanmanhina willakuykunata t’aqasunman chayqa, kayhinam kanman resultados nisqakuna:
USAID: Perú suyupi aypaykuna (2001-2024)
Hayk’a qullqitam USAID Perú suyupaq sapanka objetivo aypaypaq chay ayuda internacional nisqapi churarqan (kaypiqa qhawarichikun chunka ñawpaqpi kaqkunallata) . Kay qullqiqa dólares nisqapin kachkan.
- Chakra ruraypaq – Desarrollo alternativo agrícola 385mm
- Imaymana llank’aykunapaq – Gastos operativos 237mm
- Mikhuykuna qunapaq – Asistencia alimentaria 153mm
- Tukuy imaymana kawsaqkunapaq – Biodiversidad 152mm
- Amachaykunapaq, yanapaykunapaq – Coordinación de ayuda; protección y servicios de apoyo 122mm
- Hanaqpacha amachanapaq – Protección de la biosfera 99mm
- Qhali kayta qhawaripanapaq – Atención básica de la salud 65mm
- Runaq mirachiymanta qhali qhawarinapaq – Atención de la salud reproductiva 61mm
- Covid – 19 unquy hark’akunapaq – Control de la COVID-19 60mm
- Tukuy Estadopa política llank’aykuna qhawarinapaq – Política del sector público y gestión administrativa 56mm
Maymanta willakuy: https://laencerrona.pe/2025/02/21/los-pagos-de-usaid-en-el-peru/
Qillqaq: Helen Quiñones