Paymi EEUU suyu Cardenal karqa, Perú suyuman chaskichikusqa. Papa kayninpim chaskin Leon XIV sutinta
Vaticanopa Sixtina Capillanpim chiminianta yuraq qusñita wischumun 12 ripuq punchaw
Illapachawpi. Hina qipanmanmi 1 uras pasasqan hawa Dominique Mamberti cardenal willakamun Papa Francisco mitaqnin musuq papa sutinta.
Kay musuq papam 69 watanpi, balconman lluqsispa 40 waranqa atipaq runakunamaan, Plaza San Pedro Roma llaqtapi humun piwi papa kayninpi rimayninta. Kaynatam tiqsi muyuta napaykun italiano rimaypi:
“Ancha kuyasqay ResucitasqaTaytachapi turi paniykuna, kaymi piwi napaykuyniy.
Munanim hamkunaman, aylluykichikmanpas sumaq kawsay napayniy chayachimuyta, maypiña kachkaptikipas”
Papa León XIV wañukuq 88 watanpi, kay ripuq 17 ayriway killa 2025 watapi papa Franciscota napaykun sumaqllataña rimaykuspa hinaspam nin ñuqapas pay hinam bendicioniyta apachimuykichik kay San Pedro plazamanta pacha nisqa.
Paytaqi nimuwanchik:
“Llapachallanchikmi munanchik Cristo Taytanchik chakanchik kaspa Hanaq Pacha Taytanchikman, chaynallataq wayllukuyninman chimpachiwananchikpaq. Yanapaykuwayku, yanapanakuychik sapa kama kay chaka ruwaypi”
Hina qipanmanmi, Papanchik rimayninta kastilla simiman tikraykuspa ñawpa Diosesis Perú suyunchikpi kaqta kaynata napaykamun:
“Kuyaqniy, iñiqniy, sumaq chiqanpaq kuyakuq llaqtaman, taytachaman iñiqmasikunaman, chaynallataq tukuy kuyakuynin quwaqniyman sunquywan napaykuni”
Tukunampaqñam mañamuwchkanchik lliw tiqsi muyu runakuna hukllawasqa, huk sunqulla, huk makilla, huk hamutaylla allin kawsaypa qipanta puririnanchikpaq. Wakchikasus laza san Pedropi kaqkuna, chaynallataq lliw tiqsi muyu kusisqa taqllakunku, allin kawsay chaynallataq papa Franciscomanta rimaykamuptin.
Puchukanampaqñam qayllasta mañamuwanchik oracionpi llapanchik huñulla kananchikpaq.
Chiqap kuyakuynin peru suyupaq, chaynallataq ripukuqkunapaq yanapakuyta mañakun.
2014 watapim Chiclayo obispoman siqarqa, chaypitaqmi llamkarqa vaticanoman ripukunankama.
Papa Franciscowan ancha anchata kuyanakurqaku, chay raykum 2023 watapiraq pusarqa Roma llaqtaman, chaypi obispokunapaq Dicasterion umallinampaq.
Perú suyupi kaspan piwillataraq karqa Trujillo llaqtapi Párroco, chaymanta karqa seminario prefecto de Estudios, juez eclesiástico, chaynallataq karqa consejo consultorio Trujillo diosesispa umalliqnin, chaypitaqmi chunka wata seminario agustinopa umalliqnin karqa.
2018, 2023 watakunakamam karqa Conferencia Episcopal Peruanapa iñiqnin. Karqa taqmi Administrador Apostólico Callao, Perú suyu llaqtapi, chaypipas ancha, ancha kuyasqam karqa.
2014 watapim Chiclayo llaqtapa obispon nombrasqa karqa, chaypim yacharqa vaticanoman ripukunankam.
Hina kay 2023 watapitaqmi siqarqa cardenalman, hinaspam karqa kamachikuynin iglesia Santa Monikapi.
Hatun puquy killa, 2025 watapiñataqmi musuqmanta siqarqa cardenal obispo de albanoman, Roma suburbicarias sedeman.
Kay umalliymi karqa akllasqa aswan hatun umalliy cardenalicio kamachikuyman.
Karqa taqmi kunan kama Pontificia Comisión América latinapaq, umalliqnin. Perú suyum ancha, ancha kusisqa chaskin kay musuq Papata León XIV sutiyuqta, paypim yupaychaniku allin kawsayman kutichiwananchikpaq, amaña kay wañuchinakuna kanampaq. Mañakusqanman hina ya llapanchik huk sunqulla taytachata mañakusun oracionpi. Arí chaynaya kachun.
Qillqaq: Ines Acosta
Revisión: Albino Benito