Talara, Piura llaqtapim kay willakuynin qukun kunan 20 punchaw, inti Raymi killa, 2025 watapi. Dina Boluarte, Perú suyu umalliqsi huk yachay wasi ariqnin risqanpi huk likaq Warma kaqchallata uyanpi nimun, warmakunapa musyasqanta, mana pipa uyarisqa kasqankuta llakin, nanayninkunata, umalliqkunapa qunqasqan, mana pipa yuyasqan sapa punchaw llaki, wañuy, suwakuy mana allin kawsaypi yachasqankuta.
Kay warmamansi yachay wasinpi inti yaykuytaña huk ruwasqa napayta qusqaku; kaytam paqarin Perú suyu umalliq chayamuptin ninki nispanku.
Warmaqa wasinmansi chayaruspa likasqa rimayninta, chaysi chayqa mana sunqunmanchu chayasqa, chaysi tayta mamanman, turin Luismanwan qawaykachisqa rimayninta, chaysi paykunapas munasqakuchu, chaysi chay punilla chay rimayninta tikrarusqaku imaynam kunan puni kasqankuman hina.
Manas nanachikuy simiqa kasqachu, ancha, ancha respetuwansi rimaykusqa, llapa likaq masinpa sutinpi.
Tukuruspansi anchuykusqa Dina Boluartepa kasqanman hinaspas marqayninta quykusqa.
Chaypis Dina Boluarte nisqa qam, chaynallataq likaq masikikuna kay hatun sumaq qispichisqa yachay waswipi umanchakuychik, hamutaychik, paqarin mincha allin Perú suyu runa kanaykichikpaq nispan.
Warmata, entrevistaqnin tapuptin kaynata kutichikun:
Manam kumuykachachiranichu, ñuqaqa tikrarqani chay quwasqan diskursutaqa mana kasqaykuman, kawsasqaykuman tupasqan raykum, lliwmi karqa allinmi, allinmi ruwasqayki niq, imaynam chaytaqa niymanqa mana chayna kachkaptinqa, rikusqanchik hinan llullakuy, suwakuy, wañuchinakuy kachkaptinqa warmakunapa rimaynintaqa ni uyariyllapas uyariwankuchu, chaymi huk taksa yachachiyta qaywaykurani icharaq uyariwanman nispay.
Kay ruwaymi wayra wasikunapi lliw wiñarirun qusñi hina, kay inti Raymi killapi encuesta ruwasqnkupi 3% arí niyllanman chayan.
Manan likaq warmapa sutin rikurinchu, chay raykum mana churanichu pim kasqanta, ichaqa allin qari, qarisu warma, mana chiqniyninta manchaspa hamutayninta uyarirachin Perú suyu umalliq mamallaman.
Qillqaq: Ines Acosta
Revisión: Albino Benito