Tribunal Constitucional nisqanpa musuq miembro nisqan kaqkuna Comisión Interamericana de los Derechos Humanos (CIDH), willamuwanchik achka achka quejakunatas chaskirun, kay ripuq atichaw 10 punchaw, aymuray killa 2022watapi Perú suyu congreso 6 miembrokuna , Tribunal Constitucionalpa mana kapuqninta akllasqanku rayku.
Congresopi portavoz nisqakunas mañasqaku, kamachikunapa kamachikusqanman hina, kay 6 magistradokuna akllanapaq debate, rimarinakuy, tantiyarinakuyman yaykuspa allininkunata akllanankupaq ichaqa manas uyariyllapas uyarinkuchu.
Chaysi congreso umalliq María del Carmen Alva, kaykamallam chayasun nispa debate kananta michakurun. Chay raykus manaña ima tantiyarinakuymanpas yaykusqakuñachu.
Comisión Interamericana de los Derechos Humanos(CIDH) kay ripuq 12 illapa chaw punchaw, aymuray killa 2022 watapi apachimun huk willakuyta hinaspam nin, achka mañakuykunatas kay elección mana allin ruwasqa kasqan rayku chaskin, chaypis nichkanku manas chuyay chuyaychu kay TCpaq, 6 miembro akllasqanku, nitaq público tantiyarinakuy, rimarinakuy kasqanta kay 10 punchaw aymuray killapi congreso ruwasqanmanta.
Manas chikachallampas tantiyarinakuy, rimarinakuy kay jornada congreso ruwasqankupi kasqachu.
Internacional estandarespa kamachikuyninkunapis llapachallan hatun akllaykuna akllasqa kayta atinku, sapa candidatokunapa kunankama kawsakuyninta qawaspa, meritonkunata, experiencianta, allin umayuq kasqanta, chayman hina allininkuna akllasqa kanampaq ama ima pantayniyuq ruwaynin kanampaq. (…) Tukuy kay willakuytam Comisión Interamaricana de los Derechos Humanos (CIDH) willakamun twitter oficial nisqanpi.
Qillqaq: Ines Acosta.
Revisión: Benito Zuasnabar.