Yenifer Paredestam, achka huchallikuymanta; Peru suyu Fiscalía Palacio Gobiernopi kamachikamun watay wasipi 15 punchaw kanampaq.
Kay sipascham llapa ayllu Paredeskunapa qipa qipa panichan, paymi mana rikurimurqachu Pedro Castillo candIidato kasqanmantaraq pacha. Kunanñataqmi Estadopa qipanchakuyninpi achka huchallikuymanta kirillasqa kachkan.
Qayna wata, setiembre killapim paymanta kaq punilla noticiakuna lluqsimuyta qallaykurqan Cuarto Poderpi huk reportaje hurqusqan hawa , chaypim Yenifer Paredes rikurirqa Hugo Espino Lucana, gerente general JJM Espino Ingenieria y Construcción SACwan rimastin Chadin Cajamarcapi tasa llaqtapaq ruraykunata tantiyanakuspanku.
Chaynallataqmi iskaynin turinkuna David hinaspapas Walter Paredeskuna kay huchallikuykunapi chaqrusqa kachkanku.
Huk huchallikuymi Trafico de influenciaswan sutichasqa kachkan, kaypim Ministerio Publico investigacionta kicharqun Yenifer Paresespa qipanpi, kay ruraymi kachkan primera Fiscal Corrupción huchallikuykunapi alli allin yachaq, Lima llaqtapi.
Kay investigacionmi kachkan Yenifer Paredes JJM Espino Ingenieria y Construcción SAcpa casaquillawan churakuykuspa…kay empresaman yaykurqan documentokuna huqariq hinaspapas huk proyecto chaypi llamkasqan rayku.
Chaypim Yenifer Paredes rimarirqam; hinaspan Alcaldetapas napaykurqa hinaspan nirqaan Proyectoqa puririchkan nispa. Chaymi kunan hamuchkani mana kaq documentokuna huqariq, chaypaqmi llapaykichikta empadronasqaykichik nispan.
Ichaqa qayna wata, octubre killapim kay Hugo Espino atiparqan Estadowan huk contratota chaskiyta, 3 wara waranqa qullqipa chaninta, kay ruraymi karqa restauracion de infraestructura, chaynallataqmi equipamiento Santiago Antúnez de Mayolo, centro educativopappas. Yenifer Paresestam, turinkunatawan investigachkankutaq lavado de activos , organización criminal huchakunamantawan. Chaymi, amachaqñataq nin chay 90 waranqa qullqi rikurimuqa manan; mana allinchu nispa, préstamo qullqim, chaymi lliw bankarisasqa kachkan nispan.
Qillqaq: Ines Acosta.
Revisión: Albino Benito.