«Reinas», «Raíz» sutiyuq Piruwmanta pilikulakunam rikurimun kay 2024 watapi riqsisqa allin pilikulakuna kasqanku rayku.
Kay iskaynin pilikulakunam chaskisqaku Política Sectorial para la Cultura nisqan WASINANTA qullqinpi yanapakuyta.
Kay «Reinas» sutiyuq pilikulas mama Klaudia Reinickepa qispichisqan. Paymi apakun Jurado Internacionalespa hatu, hatun riqsikuyninta, kay Internacional festival del Cine nisqanpi.
«Raíz»sutiyuq pilikulañataqmi, Tayta Franco Garcíapa ruwasqan. Paymi chaskin kay pilikula rayku Especial Mención Honrosa nisqata, kikin ñawpa «Reinaspa» jurado calificador manta.
Kay riqsikuymi apakurqa Berlín llaqta Alemania suyupi, kay purisqanchik 2024 watapi.
«Reinas» pilikulam qispirqa huk Internacional Coproducciónpi, chaypim yaykurqaku yanapanakustin Suiza, Perú, España suyukuna. Kay pilikulam Lima llaqtapi 1992 watapi awasqa.
La Berlinale Alemania wasiyuq willakamun puririq tutanpis niwasun pikunas atiparunku «OSO DE ORO» sutiyuq llallinakuyta .
«Reinas» peliculam willamun iskay panichantin warmachakunas sapallanpi rikukuykuspanku wiña wiñaypaw ripukunqaku Perú suyumanta huk law suyuman. Chay munaynin qispinanpaqñataqsi, taytan arí ripuchunku niqta qillqanan. Taytan huk law llaqtapi yachaspas, imanakuyta atinchu, chaysi maskan kuyakuywan warmachankunapa pampachayninta, hinaspapas amachakuchkan ama rakinakunankupaq.
Kay pilikulas willakusqankupi hina Empresa Maretazo Cinemanta chaskisqa 710,000 waranqata, chaninpi qullqita.
«Raíz»wan sutichasqa largo metraje pilikulañataqmi, qusqu runa tayta Franco García Becerrapa qispichisqan.
Kaypim willakuchkan alpaka michiku maqtachamanta imaynam kawsakuynin kasqanta, hinaspapas paysi sunqunpa atipasqan suyallan futbolpi peruano selección mundialpaq akllasqa kananta. Chaypiñataqsi yacharun imaynam llaqtamasinkuna hatun hatun ñakariypi yachasqankuta, wakcha, mana qullqiyuq, wakin llaqtakunapa kumuykachachisqanta, lliw ñakariyninkunata.
Kay pilukulas chaskisqas 520,000pa chaninta qullqipi, Ministerio de Culturapa qusqanta Empresa Desfase Films sutiyuqmanta.
Perú suyu, lliw llaqtamasinchikmi ancha anchata kusikun kay atipaykunawan.
Chaynallayá, tukuy niraq ruwaykunapi uqarikusus, Perú suyunchik kaq patamanta waytarinanpaq. Riqsikuyniykutam chayachinku mama Klaudia Reynickeman chaynallataq tayta Franco García Becerraman.
Qillqaq: Ines Acosta
Qichwapi: Albino Benito