Comisión Permanente nisqa, 15 chuqaykunallawan, iskay kaq chuqaykuypi qispichirqa extrema derecha nisqapa ancha riqsichisqan proyecto de ley, chaynapi mana 2002 wata kachkaptin hucha ruwasqankumanta, chay kamachikuyqa runapa derechonkunata sarunchakuqkunapaq ayqinapaq . Kamachikuq kamachi ama paykunaman chayanampaq.
Kay mana allin proyectowanmi mañachkanku 2002 watamantaraq ñawpaqninpi lliw Auqanakuypi, Derechos Humanosta atipaspanku hucha huchalliqkuna ama ima wanayniyuq kanankupaq.
Kachkanmi huk hatu hatun Internacional kamachikuy Derechos Humanos manta hinaspapas Lesa Humanidad nisqanmanta kamachikamuq.
Kay kamachikuymi lluqsimurqa Perú suyupaq 01 punchaw , anta sitwa killa 2002 watapi. Hina qipantañataqmi lluqsimurqa 09 punchaw ayamarka killa, 2003 watapiraq. Kay kamachikuypa sutinmi Estatuto de Roma de la Corte Penal sutiyuq .
Kay internacional kamachikuymanta ayqinankupaqmi kay 14 votokunawan 2 muyuriq quñunakuypi anri nirunku Perú suyu congresopi, chaynaspankum llapa awqanakuypi, hinallataq Lesa Humanidadpi huchallikuqkunata 2002 watapi qipanmanta rakichkanku ama ima castigo chaskinankupaq.
Killa purisqanman hinam Fernando Rospigliosi, Fuerza Popularman iñiq, José Cueto, Renovación Popularman iñiq, churarqaku kay proyectota congresoman, chaypim qallariyllampiraq 60 votowan chaskirqaku, válido kananpaqmi muyuriqpi quñunukuypi qispichisqa kaytam atirqa. Manayá qispinchu, legislación ruwayninta tukuruptin, chaymi suyarqaku samariymanta kutiykamuspa kaq patamanta tantiyanakunankupaq.
Ichaqa kikillanku pura mana michakuqninkuwan huñunakuspa sapallanku 15 votowan anri nirunku.
Qina qipanman legislador. Wilson Soto, Acción Popularman iñiq chiqapta mañan voton tikranampaq, chaymi qipantañataqmi 14 votollawan, michakuqkunañataq 13 votowan qipan.
Kay proyectotam apachinanku Poder Ejecutivoman kamachikuy lluqsimunanpaq ichaqa sichu huk killapi Ejecutivo mana rimarimunqachu hinaptinqa kikin legislativos qispichinqa kamachikuy kananpaq. Manam kay ruwayninku llaqtanchipa allininkupaqchu, kay ruwayninkuwanmi tiqsi muyupa pinqaynin kasun.
Qillqaq: Ines Acosta
Revisón: Albino Benito