Qusqu llaqtapis, maqtilluchaqa mangos sachaman rurun mikunan rayku siqarusqa. Chaypis hapipakusqan chapra pakikaramusqa, chaysi maqtilluchaqa pampaman wichiykamusqa.
Chaypis huk kaspi siminta yaykuruspa ichuq ñawichanpa chawpinta pasaykusqa.
Lliwsi llapallan aylluntin mancharikuymanta qaparisqaku, mamanñataqsi , ruwayninta saqiruspa ima chaqwa kasqanta rikuq lluqsiramusqa.
Chaypunillas Ayacucho, hampi wasiman Regionalman aparqusqa. Chaypis llapa hampiqkuna huñunakuruspa tantiyanakusqaku, hinaspas nisyu paqway kasqanta rikuykuspanku referenciawan astaramusqaku Limapi San Borja INSTITUTO DE SALUD DEL NIÑO sutiyuq hamina wasiman.
Aya markay killapi 2024, kay maqtillucha Jheison V.C, sutiyuqta, qawasqanku hinaspa TRAUMATISMO OCULAR sutiyuq traumawan sutichasqaku, chaynatas wischumusqa 3D tomografía hurqusqankupi.
Traumatólogo Hampiq Edgar SALAS MOSCOSOpa umallisqan, chaynallataq ñawi hampiq Stefany Ticona Benalpa llamkayninwan, mana wakin ñawichanpi organuchankunata tupaspa, allinchallata operarunku. Kunanpuni operación atipasqanku hawa maqtillucha suma sumaqta 20/20 qawakustin altapiña hampina wasita saqirun kusisqallaña kachkan.
Kay maqtilluchapa operacioninmi 100% SISpa qullqichasqanwan, chaynallataq lliw hampina wasipi kasqanpas.
Kay hampina wasi umalliq Zulema Tomás Gonzales kusisqallaña hampiqkunapa sutinkunata huqarin, chaynallataq hampina wasimantapas, hinaspam nin kaypi llamkaqkunaqa kusikunikum llaqta runakunata hampispayku, kawsakuyninkum ñuqaykupa kusikuyniyku nispa.
Hina hipanmanñataqmi kay INSTITUTO DE SALUD DEL NIÑOPI hampiqkunapas rimarimuspanku niwanchik, paykunas sapa punchaw likanku sumaq, allin hampiy ruwaspa qispichinankupaq, llapa peruano masinchikta, chaynallataq huh law suyukunapi unquqkunata hampispanku atipanankupaq. Qayllasmi kusisqallaña kay maqtilluchapa sanuyaruspa kusisqa ripukusqanta rimarinku, kusi allin willakuymi kayqa nispanku.
Qillqaq: Ines Acosta
Revisión: Albino Benito