Tumbes llaqtas ancha ancha llakipi tarikun Tumbes mayu parasqan qawa wiñarusqan raykun.
200 ayllukunas mana imayuq, qawampi pachachallanwan qiparunku, qayllastas wasikunata, tarpuykunata, uywachankunata lluqlla mayu apan.
Paykunas ayqillanku kuskanchakuykuspanku hina puqusqa mayu ukunta.
Mayus wiñarirun 1.30 mtsta.
Yuraq Urqu (cerro Blanco)sutiyuq llaqtas aswa aswa llakipi, chaynallataq Bella vista comunkunapas.
Kay qatu qatun llakipi tarikuspankus auxiliota mañakuchkanku.
Nisyu, nisyu paras Tumbes mayita llimparachin, chaysi, chaypi yachaqkuna ayqillanku quñunakuykuspanku hina mayu ukunta
Llapa chaypi yachaqkunas , musquypi hina tarikunku, qunqayllata mayu chayaramuspan wasinta, tarpukuyninkuta, uywachankunata qayllasta chinkaykachiptin
Aswan achkampi tarpuyniyuq karqa Cerro Blancopi comunerokuna, San Juan de la Virgen distritoman tupaq.
Huk punchaw pawkar waray killa, 2025 watapi qallariynimpis Tumbes mayo wiñariruspa kichasqampi tarisqantam apan wasikunata, tarpuykunata, uywankunatapas
Huk law barriokunapas chaynallataq, mayupa wiñarisqanwan hatu hatun llakipi tarikunku Bellavista sutiyuq comunidadpi,
Kaypis runakunapa wiqawninkama yaku chayasqa, kaypitaqsi infraestructurankunapas panllusqa qipan.
Cerro Blanco, conunidadsi sapan qipan manas kanchu imaynampa lluqsinankupaq, incomunicados qipanku, manas carropiwampas yaykunchu, Kay raykutaqsi ni ima yanapakuypas chayayta atinchu.
Huk similla mañakuchkanku estado de emergenciapi yaykunankupaq.
Tumbes umalliq alcalde, tayta Miguel Puencas, Perú suyu umalluqkunata mañachkan Estado de Emergenciapi utqay yaykunankupaq.
Willakamuchkankutaqmi kaq pata mantas lluqlla mayu chayamunqa, Chay raykum nisyu nisyu llakipi tarikunku, mana mayman ayqiyta atispanku.
Perú suyu umalliqkuna yanapaychik kay suyupi turi paninchikunata.
Qillqaq: Ines Acosta