21 punchaw, pawkar waray killa 2025 watapim Perú suyu llaqta huqarikun, hinaspam Plaza San Martinpi huñuranakuspa, waranqanpi runakuna, qayllas chutarikurunku Av. Abancay lawman.
Purisqankupim mañakunku Perú suyupi umalliqkunata, wiqawninta watakuykuspanku Suyunchikta allin kawsayman kutichispa extorsión, wañuchiy, sikariyatukunata chinkachinankupaq.
kay huqarikuypim llaqtamasinchik hayllas puririnku, tayta, mamá, sipas wayna, warmachakuna, machu, paya, artista, orquesta transportista, bodeguero, taksa negociante, llaqta tupuy wara waranqanpi, huk similla mañankutaq Dina Boluarte, Perú suyu umalliq, hinaspapas Congresota, Poder Judicial, Fiscalíata pinqaspanku, mañanku huk similla lluqsinankupaq, mana allin umalliq kasqanku rayku.
Kay huqarikuymi qallarirqa 5 uras inti ripuypi, chaymantam puririyta qallariraku Congreso lawman, Kay kikllum wichayman, urayman huntay huntay karqa.
Kay hatu hatun huqarikuywanmi mañachkanku Reforma, llapallan umalliqkunapa llamkayninpi kananpaq, poder judicial, Fiscalía, Congreso, poder ejecutivo. Presidente, Dina Boluarte lluqsinankupaq mana sumaqta ni allín umalliy qispichisqanku rayku.
Aswa, aswan llaqtapa piñakuyninmi hukurun Armonía 10 sutiyuq cumbia takiqnin Paúl Floresta sicariokuna wañurachisqan rayku.
Unayñam tantullay tantu riklamokuna umalliqkunaman chayarqa ichaqa paykunataqa manam imapas qukurqakuchu, manam umalliqkuna llaqtanta llaki, nanay, extorciónpi rikuspapas, rumi sunqunkuta ima qukuqchu.
Orquestakunas takispa llamkanankupaq extorciónpi qullqita kipuqku, Chay maleantekuna ama wañuchinampaq.
Chaynatam willakun Leslie Shaw, paypas takiq masinta pampanapaq risqa chaleco antibalaswan churakuykuspa, hinaspapas risqa resguardo personalwan qullqichanwan qullqichaspa.
Uqarikuqkunam makinkupi aparqaku qillqsta «Perú qhatu hatunmi nanayniki»
Canal 4 América Wayra wasipi llamkaqkuna María Pía Copello, Mario Hart piwan rirqaku Kay uqarikuyman. Paykunam nirqaku:»kunan aswa aswan huñusqa, huk umalla, huk makilla kay atinchik».
hhqarikuqkunam mañachkanku kay sipiqkunata, extorcionkunata atipanankupaq, Allín kawsaytam munaniku, manam atillanikuñachu, tuta punchaw wañuchikuy kasqan hawa.
Huk llaqtakunapipas huqarikurakum Ayacucho, nimun: «Abajo el sicariato y la extorción»
Rimamunkutaqmi Dina Boluarte, Congresontinta atipaspanku.
Chiclayo, nimun: «Manam Wañuyta munanikuchu»
«Poder judicial, vergüenza nacional». Kay uqarikuqkumam chayarqamurqa Av. Abancaypi Ministerio Publicokama, chaymantam Congresopa punkunkama chayarqaku, Policía Nacionalta atipaspanku.
Qillqaq: Ines Acosta
Revisión: Albino Benito