Yunka vigía uchuy llaqtakunam 6 runakunata mayuntapi hapirunku, pakasqa minapaq drogakuna apachkaqta.
Sayarachiptinkus, balata tuqyachiyta qallarisqaku kay wanpupi apaq runakuna.
Kallpanchaspankus yunca runakuna hapirunku puni.
Kay suqtantin runakunas traficante nisqa kanmanku, 3 Ecuador suyu llaqtayuq, 3 Perú Suyu llaqtayuq.
Kay 3 Perú suyuyuqmantas, 2 PNP kanku. Paykunas Puesto El Rancho Huancabamba, Piura llaqtapi llamkaqkuna, chaysi, Alex Iván Marco Vilcherrez sutiyuq, kunan puni samay pachapi kasqa, hukninñataqsi Isaac Rosillo Palacios, ayllunpa unquynin rayku pirmusuta mañasqa mana llamkaq rinanpaq.
Kay 2 PNP mana allin ruwayninwan llamkay wasinta qipapi qawachinku.
Yunka runakunam ancha ancha hatu hatun llakipi rikukunku, kay mana allin awaq runakunapa kasqan rayku. Chay raykum Perú umalliqkunamanta yanapakuyta mañakuchkanku, hawka kawsakuyninkuman kutichinankupaq.
Qilqaq: Ines Acosta
Revisión: Albino Benito