Chankay sutiyuq Puerto llaqtam kan 78 km. 43 m. S. N. M. Lima llaqtapa hanan suyunpi, Huaral uchuy suyunpi.
Kay Chancay sutiyuq Puerto karqa sumaq hawka puerto, chaymanmi chayaqku turistakuna, chaynallataqmi Canadámanta, Usa Suyukunamanta sapa estaciónpi, hatun mama qucha urpichakuna watumuwaqkanchik.
Kay llaqtapim Peru suyupa kusinpaq, ruwakuchkan Huk hatu hatun megapuerto. Arí, manañam hawka trankila llaqtañachu kanqa, Kunan tikrakuchkan suma sumaq hatunkara mega puerto nisqa sutiyuq.
Arí, kaypim tarikunqa achkallaña makiwan ruway, llapa llaqtamasinchik kusisqa llamkayniyuq kanqaku. Ñam kunallan machullay machu urquta pampayarachinkuña, Chancay llaqta truykinakuypi aswan hatun, sumaq Puerto kananpaq, China suyuwan América latinawan truykinakunankupaq.
Chancay llaqtam kunan tikrakunqa sumaqllaña Terminal portuario multipropósitu nisqanman.
Cosco Shipping Parts sutiyuq, Estados Unidos nisqanpim, hatu hatun empresam ruwachkan kay megapuertota Perú suyunchikpi, llapan América Latina, China suyuwan, llapan Asia continente nisqankunawan truykinakunapaq.
Kay megapuerto kanqa llapachallan Puerto kunamanta aswan allin hatin.
Kay Puertontam astanqaku llapa materia primanisqanchikunata, titinchikta qurinchikta, llapan mineralninchikunatapas.
Kay mega puerto nisqanmi sayayninmanhina llapallan puertokunamanta aswan chayniyuq internacional truykikunapi.
BBC mundo nisqan willakusqanman hinas mamá Margaret Myers, América Latina, Asia suyuntin suyukunapi expertam nin Centro de Análisis The dialogue, Usa suyuq institución nisqanpi:
Chancay llaqta tikrakunqa crítico puertopi China suyuman, lliwchallan continente Asia man apachiynimpi.
Kay hatu hatun ruraymi achka achka qullqipa chanin, 3,600 wara waranqapa chanin, tantiyanakusqankumanhina. Hatu hatun ingeniería ruwaysi, kunan puni ruwaypiña kachkanku.
Kay ruwaywanmi Perú suyu umalliq suyachkan 50%, 580,000 wara waranqa sapa wata truykipi puririq qullqimanta China, América del Surpiwan truykinakuyninkunamanta.
Kay proyecto Perú suyu umalliqkuna chaynallataq China suyu umalliqkunapa atipasqanku. Paykunam ninku: kay hatu hatun megapuerto nisqanwanqa wichaymanmi huqarisun wiñariyninchikta, achkam llamkaqkunapaq llamkay kanqa.
Kachkantaqmi mana kay mega puerto ruwana munaqkuna, paykunañataqmi ninku:
Manam allin impacto social kanqachu, chaynataqmi kirillachkanku medio ambientetam kirichkanku nispa.
Kay megapuerto qispiruptinqa hatun buquekunam kichkinqaku, tiqsi muyupi aswan machullay machu hatun buquekuna, kay buquekuna astanmanku 18,000 contenedor nisqankunata.
Kay. Megapuerto nisqanpi; qallariyninpi churanqa 4 watayta hina qipanmanqa chayanmankum 15 wataykunaman. Kuna punim rikurichkanña kilómetro espigónkuna, chaypim qipiqkuna kichkichakunqaku.
Ministerio de transportes y comunicacionespa rimariynimpim kay megapuerto kanqa “hub” nisqan. regional hinaspas quñunqa suyumasinchik suyukunata chile, ecuador, colombiata. Perú suyupi, Liang Yu, China embajadorñataqmi nin: Ñuqaykum wiñarichisaqku hatu hatun tupuypi llapa challan tiqsi muyuman, rantikuynikichikta astaspayku.
Qillqaq: Ines Acosta.
Revisión: Albino Benito