Lukripi, Antawaylillaspiwan pusaq punchaw(p’unchaw) awqaspanku, nina rupayta (ruphayta) puchukachirqunku.
12-08-2021
QIllqaq: Inés Virginia Acosta Chávez
Imagen: Andina
Gustavo Infantas (INDECI) Indisipa kamachikuqninmi willarqan, kay qapaq sitwa pichqa punchaw killapis, chunka tawayuq urapi huk hatun nina rupay qallaykusqa Lucre llaqtapi, hatun wayrapa atipasqanñataqsi Antawaylillas llaqtakama mastarikurusqa, hinaspas sapiyuq, raprayuq, atakayuq purun uywakunata lliw wañurachin: sallqa misita, tarukakunata, luwichukunata, wiskachakunatapas yukalitu, sipris,wayaw, purun yurakunatapas, inaspapas chaypi wiñaq qiwakunatawan, kañaruspa, uchpaman tikrarun, Pacha Mamanchikta aswan unquyman apaspan.
Chaynallataqmi kamachikuq willakamun, llapallan kamachikuqkunas lliw quñunakuykuspanku ayninakunankupaq tantiyanakuspanku huk makilla, huk umalla nina rupay amachaq risqankuta:
– Compañía de Intervención Rápida para Desastres.
– Batallón de Infantería Motorizado.
– Compañía de Bomberos.
– Brigadas de la Municipalidad de Lucre.
– Grupo 8:
– Aeronaave SPARTAN C-27J.
– 2 Helicópteros MI-171 Fuerza Aérea del Perú.
Paykunas, yakuta Hukarpay, hatun quchamanta, nina rupay amachanankupaq astasqaku, piña qapaq sitwa(agosto) wayra sasachakuchkaptin. Oficina de Gestión de Riesgo de Desastres de la Municipalidad Antawaylillaspas willakamun lliw llaqta runa qatarispan amachakuypi llamkasqankuta kay nina rupayta puchukachinampaq, paykunam:
– Cuerpo General de Bomberos Voluntarios (CGBVP)Qusqu, San Jerónimo, Urcos, San Sebastián llaqtakunamanta,
– Policía Nacional del Perú.
– Llaqtantin kumunirukuna.
Allin amachay kanampaqsi kimsa qawaqmanta waykamusqaku:
– Yutto kumunirukuna.
– Raya llakta.
– Lucre kumunirukuna.
Kusikuyninchikpaq, manachusmi runa masinchik wañusqakuchu, kay apachikuyniykama ichaqa Apurimaqpi, Cotabambas qasapi huk michiq qari warmacha chunka tawayuq watampi, rawraq nina kasqanman chayarquptinsi, asnuchanta takarpupi watasqata kacharichkaptin nina wayra hayparuspa iskayninta wañurachisqa.
Kunanqa, manañas nina rupay musuqmanta kawsarimunqañachu, lliwsi amacharunku.