Congresom puriyta qallaykun Inti, Bryanpa wañusqanta qunqaspanku, impunidadta maskaspanku.
Alejandro Cavero, Avanza País congresistanpa informe apachisqanwan archivoman apachkanku Merino, Antero Flores Araos, Gastón Rodríguezpa contrampi churasqanku denunciata.
Kay riruq Chaskachaw 17 punchaw, inti raymi killa 2022 watapim Congresopi Subcomision de Acusaciones sutiyuqkuna anri nirunku, umalliqpapa voto dirimentenwan, hinaspapas APP iskay congresistakunam, chaynallataq Perú Librepiwan mana rirqakuchu kay quñunakuyman, hinaspankum fujimoristakuna aliadontinkunaman sayapakurunku, hinaspam archivoman apachkanku.
Ripuq illapa chaw 16, inti raymi ,2022 watakamam mana imatapas nirqachu kay Caveropa mañasqanmanta Alianza para el Progreso(APP)
Kay Alejandro Caverom mañarqa, fiscalía de la naciónpa por omision de homicidio y lesiones graves ripuq Peru suyu umalliq MANUEL Merino, ex premiernin Antero Flores Aráoz, chaynallataq exministro del Interior Gastón Rodriguezpa huchankunapi, Inti Sotelo, Bryan Pintadopa wañusqanmanta, chaynallataq 70 kirisqakunamanta, 14 ayamarka killa 2020 watapi qatariqkunapa contrampi represión kamachisqanku rayku constitucional denuncianta archivanapaq.
Llaqtapa piñakuyninta mana uyarinan raykum Alejandro Cavero munaysapa pasakun Ayacuchuta, congreso umalliq María del Carmen Alva, Merinoman sayapakuqpa, placa congreso Bicentenario develacionman.
Manam kay congreso allin ñanintachu richkan, mana pinqakuspanku, kikinku pura sayapayanakuspa llaqtaman justiciata quchkanchu.
Martín Tanakam nin, kay Caveropa informenqa umalliqkunapa rimayllanmi, manam kayqa allinchu.
Kay votacionpim congresista María Acuña (APP)mana pipaqpas votanchu, Waldemar Cerrón, Perú Libre congresista, mana votanchu illaruspan, hinallaqa Intipa panin Killa Sotelowanmi comprometekurqa votacionpi kananpaq ama archivanankupaq. Votacionpim karqa 7 archivanankupaq, 7 ama archivanankupaq, chaymi voto dirimenteta qurqa kay comisión umalliq Torres, paymi archivanankupaq votarun chaymi kay asunto archivoman ripun.
Qillqaq: Ines Acosta
Revisión: Benito Zuasnabar