Kay ruwaymi hukunqa Perú suyu canciller César Landa, OEApi mañanusqanrayku.
Kay ripuq 20 uya Raymi Killa 2022 watapim Consejo Permanente de la Organización de los Estados Americanos (OEA)chaskin hinaspan anri ninku, Perú suyu umalliq Pedro Castillo Terronespa mañakuyninta.
Paymi mañakuchkan Corte Democrática Interamericanata; chaymi mañakuynin puririchinanpaq, supervisión hamunanpaq mañakuchkan, imam Perú suyupi kasqan hawanankupaq.
OEApi Kay mañakuyta chaskiruspanku, anri ninku hinaspam kamachimuchkanku huk comisión Perú suyuman hamuspanku imam kasqanta willanankupaq.
Chaynallataqmi OEA mañachkan chay tapukuykuna tukunankama sumaqllata apanakuspanku rimarinakuspanku, mana awqanakuspalla Perú suyupi llamkanankupaq, chaynata ruwaspanku ama suyunchikta urayman churaspa puchukachinankupaq.
OEAm urquramun Harold Forsyth likamuwasqanchikpi Kay awqanakuy tukunampaw huk resolucionta, chaypim achka rimaynimpi nin:
OEAs chayachimun Perú suyu umalliq Pedro Castillo Terronesman yanapanakuyninta, chaynallataq respaldonta Kay gobierno votacionpi democratico elecciones llapallan candidatokunata atipasqanrayku, payqa manam munasqantachu ruwachkan, llaqtapa munayninwanmi umallichkan.
Nintaqmi OEAta mañaspan llapa Perú suyu umalliqkunaqa allin ñawinkuwan rikuspankum Estado de Derecho, chaynallataq Democracia Representativa ruwayninkuta, uyarinakuspa, mana awqanakuspa qispichinankum, suyunku rayku.
OEApi Consejo Permanente Extraordinariom huñunakusqankuhawa quchkanku Perú suyu umalliq Pedro Castillo Terronesman lliw yanapayninta, hinaspam mañachkanku llapa Perú suyu umalliqkunawan sumaqta yuyaymanarispanku huk umalla, huk sunqulla, Perú suyupa Sistema Democrático nisqanta kallpanchaspanku waytarichinankupaq.
Kay chiqninakuy puchukananpaqñam OEA, Perú suyuman alto nivel Comisiónta. kachamunqa Kay comisionmi ruwakunqa wakin América suyukunapa kamachiqninkunawan.
Chaynatas kamachikun Carta Democrática Interamericana Perú suyuman hamunankupaq, hinaspas maypim imam kasqanta hawanankupaq, chaymahina willakuy qispichisqankuta apanankupaq.
Yachanchikmi, Perú suyu Congresom 2 kutiña umalliq Pedro Castillo también los wischuyta munanku umalliyninmanta ichaqa manayá votacionpi munasqankuman qispinkuchu.
Kunanñataqmi Ministerio Público ñataq Congresoman Pedro Castillota denunciarqamun suwakuy huchayuqmi nispan.
Yachanaykichiktaqmi Kay Perú suyu umalliq Pedro Castillo Terronesman candidatollaraq kachkaptin tukuy niraqta kamirqaku terrorista, comunista, mana ima yachaq, asnu nispanku.
Eleccionespi llapan candidatokunata atiparuptin, mana atipayninta riqsiyta munaspanku unay ñakarichirqaku.
Kunanñataq, sapa punchaw tukuy niraq huchakunamanta kirillachkanku. Manam hawka umallinanta saqinkuchu. Kaynataqa manam ni pipas sumaq umalliytaqa atinmankuchu.
Qillqaq: Ines Acosta
Revisión: Albino Benito