Fiscal Richard Rojas Gómezmi, umalliq poder Judicialta mañachkan Vladimir Cerrón 36 Killa watay wasipi kananpaq, paysi turin Waldermarwan, chaynallataq congresista Guido Bellidopiwan huchallikusqaku qanra qullqimanta eleccionespi, Pedro Castillopa campañanman 2021 watapi churasqankurayku.
Kay Perú Libre partidopa taytanmi riki Vladimir Cerrón yachasqanchikhina, chaypi mana allin qullqita churasqaku Pedro Castillo Perú suyupa Umalliqnin kananpaq, paykunam riqsisqa kanku “Los Dinámicos del Centro nisqawan”.
Kay partidopi kaqkunam huñusqaku achka corrupción qullqita Gobierno Regional de Junínpiraq.
Fiscalía nisqanpihinas Kay criminal red nisqanpis llapa contrato nisqanpi llamkaqkunata kaq patamanta contratanankupaq qullqita mañaqku, hinaspapas brevete nisqankuna hurquqkunata utaq musuqmanta hurquqkunatapas qullqita chaninpi mañaqku Junín Dirección Regional de Transportespi.
Kay llapa quñusqanku qullqitas wakinta churasqaku Pedro Castillopa umalliq campañanman, wakintañataqsi hapisqaku Kay Lima llaqta, Av. Brasilpi partidopa wasin rantinankupaq.
Perú 21 diariom willakamun llapa mana allin ruwayninkuta, Kay Limapi wasi rantinankupaq rurayninkunamanta. Bertha Rojassi Vladimir Cerrónpa maman, paysi wawanpa “testaferron nisqan” karqa. Kay mamansi achka wasikunata rantisqa ichaqa manam atinchu maymantam chay tantullay qulli hurqusqanta.
qayna wata qapaq sitwa killapis juez Jorge Chávez Támaris huqarirusqa Cerrónpa, chaynallataq Rojaspa bancopi qullqinta, chaypis tarikusqa 3 wara waranqa aswan achkanraq qullqita.
Kay warmitaqmi Vladimir Cerrón 2019 watapi negociación incompatiblemanta condenasqa karuptin, reparación civil nisqanta pagarqa S/.284,000 qullqipi chaniychanta, indemnizaciónmanta, ichaqa manam willakunchu maymantam chay qullqi lluqsisqanta.
Kay investigacionpim kachkanku congresista Walmar Cerrón, Vladimiropa wawqin, chaynallataq congresista Guido Bellidopas. Kaypim kachkan Richard Rojas Garcíapas, paymi piwi Vladimir yanapaqnin, paypas munarqam Panamá suyupi embajador kayta.
Fiscaliapaqmi Kay Rojas García Vladimir Cerrónpa “ruraqnin”karqa lavado de activos huchallikuypi.
Qayna wata, anta sitwa killapis S/.326,930 waranqata qullqita Vladimirpa ahorros cuentanmanta Hurquyta atipasqa ichaqa Unidad de Investigación Financiera (UIF) ñawparuspa Kay qullqita Huqarirusqa. myapich kay sinchi una nanay tukunqapas, huchanpi kaspankuqa kamachipa kamachikuynintach chaskinqaku.
Qillqaq: Ines Acosta
Revisión: Albino Benito