RPP nisqan wayra wasimanta pacham mamá Paola Lazarte Ministerio de Transportes nisqnpi umalliq willakamun.
Llaqtamasiykuna, ñam allin kawsayman yaykuchkanchikña chayraykum aeropuertonchikuna musuqmanta puririnqakuña.
19 diciembre killam, Perú suyupi Ejecutivo umalliqkunam anchuykurqaku Areqipay, Juliaca, chaynallataq Aya kuchu Huanmanqa llaqtakunaman, hinaspam rikusqankumanhina tantiyanakusqanku kunan atichaw punchawpi Juliaca, Aya kuchu chaynallataq Ariqipaypi tutankunapi illaq illaqkunata musuqmanta astanqaku munasqanku huk law llaqtakunaman.
Ichaqa, achkallañam rikuqkuna kanqa, chaymi Aeropuertokunaman illaqniyuqkunalla yaykunqaku, makinpi pasajeyuq chaysi “salvoconducton nisqan kanqa” kanqa
Kay qawaykunam kachkan ama kaqmanta chaqwachakuykuna kananpaq.
Qusqu llaqtapipas ñam turistakuna astachikuchkankuña huk law llaqtakunaman.
Ichaqa astayninpim ñawpaqta apachkanku kirisqakunata, unquqkunata hatun hampiq wasiman chayanankupaq.
Allpan apaqpas ñam qallarirunkuña puririyninkuwan ichaqa navidad kasqanraykum pasajekunata llumpa llumpayta wicharirachinku.
Perú hanan suyumanmi kunanpuni hawkaña illachkanku, manam chay lawman chaqwanakuna kanchu.
Uran suyumanñataqmi Chala llaqtakamallaraq richkanku, chaypiqa atipachkankuraqmi chaqwaqkuna, minería informalpi llamkaqkuna.
Qillqaq: Ines Acosta
Revisión: Albino Benito