Wari Service S.A.C. sutiyuq empresapa zinc astaq camioninmi kay ripuq 13 inti raymi killa 2022 watapi, Canta llaqtapipi Chillón sutiyuq mayuman urmaruspa taqtaykurun zinc apasqanta.
Cchaymi, Perú suyup, Ministerio de Transportes y Comunicaciones nisqan Dirección General de Asuntos Ambientaleswan (DGAAM) umalliqkuna hampinanpaq kamachimuchkan cronogramawan 90 punchawpi allin kawsayman kutichinampaq.
Kay umalliqkunam huk comunicado nisqan hurqumusqankupi kamachimuchkan , piwi kaq monitoreos nisqansi 30 punchaw inti raymi killapi kanqa, qatiqnin monitoreo kanqa 15 anti sitwa killapi, hina hipanman qatiq kanqa 30 anti sitwa killapi, puchukaqninñataq kanqa 15 qapaq sitwa killa, 2022 watapi.
Kay puchukaq plazopi, llapallan nanachisqa pampakunam lliw hampisqa, chaynallataq mana ni chikachallan qachachasqachu kayta atin.
Kay Empresam chayachinqa llapa kirisqa comunidad, local, regional, sectorial umalliqninkunaman invitacionta, imam hanpinankupaq ruwasqanku yachanankupaq, sichu mana sunqunkuman chayaq kaptinqa, paykunapas reclamación nisqankunata chayachinankupaq.
¿Imatataq kay Empresapa ruranan kanqa?
- Monitoreo sumaq chuyay chuya yaku kananpaq.
- Monitoreo hidrobiológico nisqanta ta,
- Monitoreo challwakunapi biotoxicidad nisqanta.
- Monitoreo sumaq mana ima kiriyuq allpa kananpaq.
- Ministerio de Transportes y Comunicacionespa kamachikusqan raykum hampinqaku llapallan piscigranjakunata, maymantam qallarirqa chay qachachakuy wichayman, urayman, chaynallataq hampinanku kanqa tarpunanku markakunata, qarpasqanku qachachasqa yaku kasqan rayku, chaynallataq lliw mayu patankunatapas.
- Kaypaqmi chay Empresa DGAAMman informeta apachinqa laboratorio ensayomanta, ruwasqankupa paqariyllanta.
Kay uma nanay tukunanpaqmi MTC, qawanqa kay kamachisqan ruwasqa kananpaq, ama ima unquypas markakunapi utaq runakunapi kay rayku kananpaq.
Qillqaq: Ines Acosta.
Revisión: Benito Zuasnabar.