Instituto Nacional de Salud umalliq tayta Víctor Suárezmi kamachikamuchkan; kunan huk punchaw katnaray killamanta hipanmansi hampina wasikunallapi; chaynallataq servicio de transporte público nisqallapiña uya tapa churakuy kamachisqa kanqa.
Ichaqa amapunis qunqasunchu vakunachikuyta kay wañuchikuq unquy wiñaypaq puchukananpaq.
Rotativa del Aire sutiyuq RPPpa tuta programanpi, ay willakuymi lluqsimurqan,.
Sapa kamas lliw llaqta masinchik sunqunpa kamachisqanmanhina churakunqaku utaq manapas uya tapakunata.
Nimuwanchiktaqmi, transporte interprovincial nisqankunapipas kamachisqa kanqa uya tapa churakuy, mana kaywanqa manam maymanpas illayta atinqakuchu.
Vacunación Karnet nisqallatam hurqurunku, kay documentota manañam illaqkunata mañanqakuñachu.
Manañas cine, teatro, utaq mikuna wasikunapipas mana uya tapayuq kachwanchu, ichaqa kay willakuyqa sapa kamapa munayninmi.
Achkaraqsi runakuna mana 3ra. Nitaq 4ta. Dosis vakunayuq kachkanku, paykunatam salud umalliqkuna mañachkanku anchuykamuspa churachikunankupaq.
Umalliqninchikunam nimuwanchik, kay kamachikuykunam lluqsimun lliw América suyu llaqtakunawan yuyanmanarikuspa, ñam chinkachkanña Kay COVID 19 unquyqa, tikraytaqa tikrakuchkanmi huk unquykunaman ichaqa vakunasqa kasqanchikraykum manaña llumpa llumpaytañachu unquchiwanchik. Tukunankupaqñam Tuta lluqsimuq Rotativa del Aire, RPPpa programapi nimuwanchik, sapa kamañam kunanmanta qipamanqa qawarinakuykichik, chaypaqmi atipanaykukama willamurqaykiku. imam ruwana utaq manapas kasqanta.
* Rikch’ay Portada. Andina
Qillqaq: Ines Acosta
Revisión: Benito Zuasnabar