Perú suyu umalliqman Kay ripuq atichaw punchawpi, Perú suyu Fiscalíam churarun Denuncia Constitucionalta chaynallataq ayllunkunamanpas.
Paytam tumpachkanku, paysi huk suwaku huñupa umalliqnin kanman.
Patricia Benavides, Fiscal de la Naciónmi kaynata nin: “Kunan punchawmi República Congresoman churachkaniku huk denuncia Constitucional nisqanta Pedro Castillo Terrones, Perú suyu umalliqpa awqanta, chaynallataq wakin qatiqnin kaqkunatapas, paysi umallichkan chay kaq suwakuy huñuta”
Ministerio Públicopas, kimsa huk rikchaq huchakunamantam kirillachkan: Tráfico de influencias hinaspapas colucion nisqanmanta.
Kay kirillam tupachkantaq kimsa lluqsiq ministrokunamanpas: Ex ministro de Transportes chamanta vivienda, Juan Silva Villegas, chaynallataq Geiner Alvarado Lopezmanpas.
Paykunas chaninchasqaku qullqiwan sumaq llamkaykunaman runakunata churaspanku, paykunas truykisqaku mana tupaq licitacionkunata, chaynallataq mana kamachiynin kachkaptin ruwaspa.
Chaynatam twiter nisqanpi willakamun.
Kay awqaykunamanta kutichikuspanmi, Perú suyu umalliq Pedro Castillo Terrones, achka runa huñunakuypi, hina Palacio Gobiernopi nin:
“Armayta, almaytapas qusaqmi, yawarniy kikllukunapi puririchun llaqtayrayku, wañunay kaptinqa, wañusaqcha llaqtanchikrayku” Kay rimaynintam Lima llaqtamanta pacha willamuwanchik Guillermo Olmo, BBC Mundo en Perúpa corresponsalnin.
Pedro Castillom nin: Kay kirillam huk ruray golpe de Estado, kayqa mana kasqanta awqawachkan organización criminalta umallin nispanku.
Kunanpunim Pedro Castillopa warmin Lidia Paredeswan suqta fiscal kirillata chaskichkanku. Manam haykapllapas Kay ruwaykunaqa qukurachu huk umalliqkunawanqa, kamachikuyninpi kachkaptinkuqa ni Perú suyupi nitaq huk sudamericano suyukunapipas.
Yachasqanchikhinam Perú suyu umalliqkunaqa, umalliqpas utaq congresistapas kachun paykunapa derechonmi aforados kayninku, chaymi paykunataqa ruwayninpi, kamachikuyninpi, kachkaptinkuqa mana ni pipas awqanmankuchu, ni tribunalkunapas.
Chaymi hukman rikurin Kay denuncia Constitucionalta.
Kamachikuynin tukuruptinñam ichaqa chayraq sichu abuso, corrupción, suwakuy utaq huk nitaq huchakunamantam chayllaraq kirillakuna kayta atin.
Kay denuncia congresopi chaskisqa kasqan qawam paqarimunqa huk investigación, paykunam tukuspanku informeta apachinqa Congresoman, chaypim Pedro Castillo, fiscalía,willakakuqkuna, peritontinkuna rimanqaku.
Hina qipanmanmi congresopi votación nisqanman yaykunqa.
Sichus chawpinmanta aswan achka votanqaku contranpi hinaptinqa fiscal de la Naciónmi penal kirillata apachinqa Corte Suprema de Justiciaman. Castillom nin tukuy kay kirillakunaqa kachkan huk conspiración nisqanpa kamachikuyniymi, umalliyniyta qichuwanankupaqmi nispa.
Qillqaq: Ines Acosta.
Revisión: Albino Benito.