Kay willakuymi rikurin Los Ángeles Timespi.
Wichayman hatu hatun cartelkunata huqarispankum “llaqtapa chaqchusqa yawarninqa manam haykapllapas hunqasqachu kanqa” callen, callen sinchi sinchi piñasqa tantullay tantu runakuna purichkan.
Martín Mejía Associated Pressmanta willakamun:
Antimotines guardiakunas waqaychachkanku Universidad Nacional Mayor de San Marcospa punkunta chayman lliw Perú suyumanta llapa runa manifestaciónpi chayamuqkunata watiqaspanku.
Kay lliw Perú suyumanta chayamuqkunata mañakuchkanku siminkupas atipasqanta presidenta Dina Boluarte, chaynallataq congresistakuna lluqsinankupaq.
Iskay punchawñam Kay Lima llaqtapi tantullay tantu tukuy Perú suyumanta chayamuqkuna samachkanku kay San Marcos Hatu hatun yachay wasipi, rectoranpa mana munasqan kachkaptinpas.
Tukuy Perú Uran suyupa llaqtakunapipas kachkansi protestakuna musuq eleccionesta mañaspanku, hinaspapas umallq Dina Boluarte, lliw congresistakunapiwan lluqsinankupaq.
Piwi punchawmanta kay qatiqnin punchawpim aswan sumaq siqichasqa puririchkanku, redes socialespipas willamuchkankum mayqin Centro histórico callinkunapi purinankuta.
Apachkankun hatu hatun letrerokunata: “Dina Boluarte sipiq” niqta, wakinñataqmi bandera peruanata wichayman huqarispankum purichkanku .
Paykunam puririnku congresoman chayayta munaspanku ichaqa achkallañam Anti motines runakuna mana pasanankuta munankuchu, paykunañataqmi atipaypaq atipanku.
Kay revueltam Killa emasña qallarisqampi 55 runakunaña wañun, 700 masninñataqmi kirisqakuna hampina wasikunapi. Kunankama hinallaraq kachkanku 76 nisyu kirisqakuna.
Perú Suyu umalliq Dina Boluarteñataqmi, Kay sasachaqkunapa vispirasninpi pinqaspa nirqa: “manam Kay protestakunapa Perú suyupa allininpaq ima social mañayninpas kanchu”
Huk rimasqanpiñataqmi hamutan pim kay sasachaykuna kananpaq qullqichachkan nispan.
Puchukarun rimayninta kaywan:
“Qamkunam munachkankichik Estado de Derecho Perú suyupa panllunanta, chaypaqmi kay uma nanayta tarpuchkankichik hina hipanman umalliyman chayanaykuchikpaq. Manam kay ruwaynikichik allinchu, pantasqam kachkankichik”. Llaqtam mancharisqallaña kay sapa punchaw awqanakuyta rikuspanku ima ruwaytapas atichkankuchu, negocionkupas wichqasqam panlluchkan, maymantaq risun, imaynataya kay awqanakuy tukunqapas.
Qillqaq: Ines Acosta
Qichwapi: Albino Benito