Kay willakuytam tayta Américo Zambrano apaychimuchkaykichik “Hildebrandt en sus trece” semanariopi, kunan viernes punchaw, 24 pawkar waray Killa, 2023 watapi qillqasqanta.
Kay investigaciónmi apakuchkan fiscal Richard Rojas Gómezpa ruwasqan.
Dina Boluartes kanman aswan piwi runa mana allin qullqi qispichiq Perú Libre político partidopi, chaynallataqsi pay kanman kasqa virtual qacha qullqi kipuq Vladimiro Cerronpaq. Kay kirillam Ministerio Públicomanta lluqsimun, chaypim iñichichkan “presunto delito de lavado de activos” criminal organizacionpa ukumpi.
Disposición fiscal No. 1, 19 punchaw uchuy puquy Killa 2023 watapi lluqsimuqmi nichkan Dina Boluartes achka niraq “operaciones sospechosasta” ruwanman kasqa campaña electoralpi achka qullqi campañampaq, hukunapaqpas Perú Libre candidatokunapaq 2021 watapi.
Kay willakuymi aswanta kawsariramun Dina Boluartepa campañanpi, asistenta personalnin amawta, Maritza Sánchez willakusqan raykum. Paymi nin Henry Shimabukuro, pakasqalla Pedro Castillopa asesornin, chaynallataq huk niraq empresariokunas mana declarasqa. Qullqita qusqaku Dina Boluartepa campañanpaq.
Kay señoram 2018 watapi, Surquillopaq alcaldesa candidatan kachkasparaq, riqsinakurqa Vladimir Cerronwan. Chaymanta pacham Perú Libre partidoman iñirqa
Paysi, fiscalíapa nisqanmanhina, Perú Libre Secretaria de Economía Lima Metropolitana Comité Regionalpa karqa, chay raykus makinman chayasqa achka qullqi, chaywan campaña electoralpi atipananpaq.
Fiscal Richard Rojas, mañachkan sapaq preliminar investigación kachun Dina Boluartepaq, chaynallataq 33 iñiniq runakunapaqwan nispa.
Kay mañakuymi ruwakurqa Disposición fiscal N 1, 19 uchuy puquy killa puririsqanchik watapi . Kay pachaqa ñam Dina Boluarte Perú suyu umalliqña karqa. Carpeta fiscal payman tupaqmi No. 2 _ 2023.
Ministerio Públicom willakun Dina Boluartes, Braulio Grajedawan kuskanku Perú Libre partidopaq achka cuentas mancomunadasta urqusqaku Banco de Crédito de Perúpi (BCP) chaypis mana allin qispichisqa qullqikunata chaskisqku ñataq coyma, ñataq CAS nisqapi llamkaqkunapas sapa killa atipasqaku 100 soleswan, kaq patamanta contratasq kanankupaq.
Fiscal Rojasmi willakamun achkas qullqi depósitokuna kan cuenta No. 193_0098178_0_02 BCP Dina Boluarte, Braulio Grajedapa sutinkupi. Dólarespipas cuentas 193-00981781-1-96.
Kay depósitomantas Dina Boluarte rakisqa s/. 15,709 Banco Continentalman Vladimir Cerrónpaq, reparación civil allichananpaq, amaña watay wasiman yaykunanpaq, kaysi lavado de activospi huchallikuynin.
Dinia Boluarte kutichikuspa panta pantata riman, tikrarispa, tikrarispa, chaymi fiscal Rojas hamutan kay warmis kanman kasqa qacha qullqi Perú Librepaq waqaychaq. Kay huchallikuysi sutichasqa “lavados de activos nisqawan”
Ministerio Público willakamun manas Dina Boluarte qunchu llapan Perú Librepa información contable mañasqankuta.
Kay hamuq setiembre killapis fiscal Rojas utaq archivarunqa utaq Fiscalía de la Naciónman apachinqa. Chaypi, Fiscal Patricia Benavides qawaspa sentenciananpaq.
Kay Fiscal de la Naciónmi upa tukuspa ni imata rimarimunchu kunankama.
Kayllam runasimipi willakuyniy. Huk punchawkama.
Qillqaq: Ines Acosta.
Revisión: Albino Benito.