2012 watapim, qayamakuptiy, kusisqa chaskiwarqanki huk aynikuyta ñuqaykuwan kuska rimanakuypi kanaykipaq; chaymi Wanka willka llaqtaman illamurqanki.
6:00 a.m. chaki chiri pachapi suyarqayki , hinaptinmi autobusmanta uraykamusqaykita qawarqayki hatun raprasapa ichumanta chukuykiwan, paqu punchuykiwan, siquykiwanpas, llaqtanchikpi huk ayllu runa hina. Rikchayniykipim qawarqanim musyarqani huk allin sumaq runa kasqaykita, chaymi sunquy ukupi anchata kuyapayarqayki hinaspam llakisqa tarikurqani; yuyaymanaspa tukuy kawsayniykipi hatarimurqanki chay maqanakuyman chakrapi llamkaq runakunapaq, Pachamapa allinninpaq. Watakunapa llasayninqa sapa kuyuynikipim qawakurqa.
Qichwa simipim rimarqanchik, Tayta Hugo. awiluykunam riqsisurqanki, ñuqapaqpas pacha kapuwarqan kusisqa riqsiykunaypaq.
Chay reforma agraria nisqata qallarisqaykiqa achka qichwa “indio” runakunatam chanincharqan. Chaymantaqa achka qichwa runakunallam qallarirqaku ancha qispiriyta.
¡Wiñaypachapiñaya tinkusunchik!
Hugo Blanco Galdós 1934 watamanta 2023 watakama.
En español
Carta a Hugo Blanco – En memoria.
Allá en el año 2012, cuando me comuniqué contigo, alegremente aceptaste nuestra invitación para acompañarnos en un evento; y así hiciste un viaje a Huancavelica.
A las 6:00 am te esperé en el frío seco y te vi bajar del bus con tu sombrero de paja de alas anchas, tu poncho de alpaca de color marrón y tus chanclas, como un comunero más de nuestro pueblo. En tu apariencia leí y sentí humildad y tranquilidad, por lo que mi alma sintió una compasión profunda y me entristecí; pensando que toda tu vida la dedicaste a la lucha en favor de los campesinos y de la Pachamama. El peso de los años se reflejaba en cada movimiento tuyo.
Hablamos en quechua. Tayta Hugo. Mis abuelos te conocieron y yo tuve la dicha de conocerte.
La reforma agraria que iniciaste favoreció a muchos de los “indios” quechuas. A partir de ahí, recién muchos quechuas empezaron a desarrollarse. ¡Wiñaypachapiñaya tinkusunchik!
Hugo Blanco Galdós 1934 – 2023
Qillqaq: Albino Benito