Kay ripuq 21 inti raymi killa, 2023 watapim Perú suyu congreso arí nin huk Proyecto de ley nisqata, amawtakuna mana atipanakuspa piruw kamachiqpa yachay wasinkunapi nombramientoman aypanankupaq, ichaqa mañachkankum 03 wata utaq atipaqninta llamkayninwan llamkasqankuta.
Kay kamachikuymi lluqsimun 80 congresistakunam arí ninku; 28 manam nirqku, 06 ni arí nitaq manam ninku, abstencionpi churakuspanku.
Kay kamachimanta rimaspam Comisión de Presupuesto nisqan Cuenta General de la República umalliq, José Luna Gálvez nin:
“Kay kamachiqa maskachkan chulla kutilla llapa estadopi qayachisqa llaqkaqkuna amawtakuna mana llallinakuspalla nombramientonman aypanankupaq, ichaqa plaza nombramiento maskasqanku presupuestasqa plaza orgánica kananta, kamachi 29944 Ley de Reforma Magisterial nisqanman hina
Kay kamachipa kamachikusqanman hina, llapallan amawtakuna 03 wata utaq aswan achka wataña llamkaqkuna atipanmanku kay mana atipanakuspa nombramientoman.
Ichaqa chay aynisqa llamkaqkunam amawtakunam yaykunanku karqa atipanakustin chay contratasqa plazakunaman, hinaspapas chay plazam vacante kayta atin, hinaspapas qullqi churasqa.
Singrid Bazán, Comisión de Trabajo y Seguridad Social, umalliqmi nin.
Llapa contratasqa amawtakunam mana hawkalla llamkayninku kaptin manchapasqa kawsallanku, mana maymanta hapikuyta atispanku, manam yachankuchu sichu qipa punchawkunata llamkanqakuchu icha manachu, chaysi paypas kusikuspa kay kamachiypa qispimuyninta chaskin.
Ima qullqiwansi llapa musuq nombramientoyuq amawtakunata qullqichanqaku. Chaymantam kaynataa nin:
“Qullqichanam kanqa Ministerio de Educación, chaynallataq llapa Gobierno Regionalpa presupuestonkunawan. Manam ima raykupas mañanachu kanqa chay recursos direccionales al tesoro público nisqantaqa, chaynatam nin José Luna Gálvez.
Ministerio de Educación umalliqmi michakuchkan kay proyectomanta, paymi nin imaynamá mana concursuwan qayllas nombrakurunqaku, manam allinchu, kaypi, wakpi, maypipas ima niraq llamkaykunapipas llallinakuspa, achkata likaspa, hamutaspa atipanakuywanmi llamkaq yaykunanchik, 5 wara waranqa likaqkunam mañachkanku allin yachaq amawtakunata nispan. MINEDUpa punkunpim kayna niq willaky llaqtapa likananpaq churarayachkan.
Qillqaq: Ines Acosta
Revisión: Albino Benito