Kay musuq unquymi samayninchikpa puriyninta atipan, kay unquywanqa ankunchikpi kallpanchikkunam allip allip chinkan.
Perú suyu umalliqkunam emergencia sanitariawan sutichaspanku lliw Perú suyuta kay Emergenciaman churawachkanchik 90 punchawkama. Kay kamachikuymi lluqsiramun 4 runakuna kay unquywan wañusqakuna kaptin. Kaynatam willakamunku Kay ripuq killachaw 10 punchaw ,anta sitwa Killa 2023 watapi.
Kay emergencia sanitariam chayamun lliw Perú suyuman, chaymi kanqa 90 punchawkama, kay manchapa unquy mastarikurusqan rayku, chaynatam nimuwanchik huk willakuypi Perú suyupi Ministerio de Salud kamachikuq. Kay kamachikuysi chayanqa 25yuq uchuy suyukunaman, llapallan Perú suyupi yachaqkuna ama unqunanpaq, nitaq wañunankjpaq.
Kay ruwaypaqñaqmi Perú suyu umalliqkuna, 12 wara waranqa qullqita quchkanku, chaywan chay inmunoglobulina sutiyuq hampita rantinankupaq, wakin mana kaq hampikunatawan, rantinankupaq.
Ministerio de Saludpi umalliq tayta César Vásquezmi nimuwanchik Kay unquy llumpayta mastarikurusqan raykum, kay emergencia sanitariaman yaykuchkanchik, ama llaqta masinchikuna ratachikunankupaq, nitaq unquruspa wañunanchikpaq nispan.
Kay MINSApi umalliqmi nin; kay DECLARATORIAS, yanapakunqa iskay watakama chay hampi inmunoglobulina sutiyuq hampi rantinapaq, chaywan llapa unquqkunata allinyachinankupaq.
Kay ripuq uchuy puquy killamanta; kay anta sitwa killakamam 4 llaqtamasinchik wañukunku, chaynallataq unquqkuna 180man wiñarun, chaynatam likasqa rikurin MINSApa balance nisqanpi.
¿Imaynatam yachachwan kay unquy rataykuwasqanchikta?
- Ankuykikunam iskay, tawa semanakama umpuyaruspa nanan, chakichatam kallpayki chinkan sapa punchaw aswanyaspa.
- kayñataqmi unquchinqa samayniki tunquchikita.
- Hinaspapas tukuy armakuynikim siqsinqa, sisi purisuchkankiman hina.
- Chakichatam kallpayki makikipi, rikraykipi, kuchusnikipi, chankaykipi, muquykipi, chakikipi chinkan.
- Llaqtamasiykuna, hamkunaya allinllata kawsakunkichik kay Guillian Barré unquymanta ayqispa. Huk punchawkama.
Qillqaq: Ines Acosta
Revisión: Albino Benito