Kay suqta watachayuq puksucham nanayllapaqña taytan Hamza Kasamwan makallinakuspa aeropuerto Jorge Chávezpi llakillapaqña tupanakuykunku.
Taytanmi warminpaq sumaq waytachakunata apasqa, warmachanpaqñataqmi huk piluchichata apasqa. Manam imayna kaytapas atinkuchu kusikuymanta. Ichaqa warmin kusisqa kachkaspapas sunqu nanasqam chayamun llapa ayllun wak nina rawraq awqanakuypi saqimusqan rayku. Payqa manaraq awqanakuy kachkaptinraqmi ayllunkuna watukaq risqa.
Kay manchapa awqanakuymanta lluptimuspankum, suyunchikpiña, hawka, tayta mamanwan kuska kachkanku.
Kay warmacham maman Nessma Alcattalwan Franja de Gaza sutiyuq llaqtapi kachkarqaku, chaypis achkanpi bombakuna tuqyakuyta qallakuykusqa Israel suyu kacharimusqan hawa terroristas Hamas sutiyuq qallarisqanku rayku. Paykunam Perú suyunchikman chayamurqaku kay ripuq chaskachaw tuta punchawpi
Taytanmi kusisqallaña Wayra wasikunamanta nimun: “Taytachapa munayninpi chayaramunku hawkalla, mana ima kiriyuq, ichaqa llumpa llumpay mancharisqan” nispa.
Iskayminkus lluptimusqaku Gazapiwan Egipto fronteranta, paso fronterizo Rafahn nisqata.
Mamanñatanmi willakun: “kayqa apu taytanchikpa hatu hatun munayninraykum chayamuniku, paypa munayninpi, milagrun kaypa sutin_ chaynatan aeropuerto Jorge Chávezpi rimarin qusampa ayllun rimayninta tikran lliwchallan uyarinampaq.
Paytaqmi nin: ” llapallan aylluytam saqirqamuniku mana yakuyuqta, mana kanchiyuqta, mana mikunayuqta, wak manchapa awqanakuypa chawpinpi”.
Yachasqanchik hinam riki uya Raymi killapiraq kay awqanakuy qallaykurqa Hamas terroristakunapa qallarisqan, Israel suyuñataq aswa aswanta kutichimun bombakunata Gaza llaqtaman kacharimuspa. Kay awqanakuy qallariptin mamá Nessma Alasttal, wawachantin Gaza, Palestina llaqtapi ayllunkunata watukaspa chaypim tarikurqaku.
Perú suyupa Cancilleríanmi yanaparqa paykunam kutimunankupaq. Kay Cancilleríam aeropuertopi kay illaqkunata chaskin. Hinaspapas nin lliw llaqtamasinchiktam yanapasaqku kutimunankupaq, Ministerio de Relaciones Exterioreswan nispan.
Israelpa Fuerza de Defensanmi tarirun achkanpi Hamas terroristakunapa armamentokunata hatu hatun Gazapa hospitalninpi pakasqata. Israelmi ruwachkan hatu hatun operacionta ichaqa manas pitapas hospital ukunpi wañuchinkuchu, lliwsi balata wayrapi tuqyachistin patiyuman urquchkanku qayllasta, unquqkunata, qampiqkunata, chaypim armamento watiqaq soldadukunatas paykunam iñinankupaq mañachkanku.
Kay operacionsi qallarisqa kay ripuq wuyllur chaw punchawpi illapachaw punchawkunapipas hinallas kay ruwaykuna puririchkan. Israel suyu willakamun huk willakuykunapi, paykunas apachkanku Gaza hospitalman incubadorata chayraq paqarimuq wawachakunapaq, mikuykunata warmachakunapaq, hampikunatapas. Chaysi qunqaku Shifapi.
Qillqaq: Ines Acosta
Revisión: Albino Benito