República nisqa diariopim kay willakuy lluqsimuchkan.
SENAMH(Servicio Nacional de Meteorología e Hidrografía) willamuwachkanchi Kay 1, 2, 3, 4, 5, 6 punchaw uchuy puquy killa kay musuq 2024 wata qallariyninpis, 17 Perú sullka suyu llaqtanchikunapi nisyu nisyu para chayakamunqa.
Chaypim nimuwachkanchik, mana manchakuspalla, sumaqllata umanchakuspa, tantiyarinakuspa kay una nanaymanta lluqsinapaq.
Kay nisyu parakunam kanqa, nisyu kallpayaq, mana pukaman chayaspapas puka qillu llimpimanmi chayanqa, chaypim hawkalla amachakusun.
Kay paraqa manas sapallanchu hamunqa, rayuwan, llipipyawanm, chirapawan, nisyu nisyu wayrakunawan kuskanchakuykuspas chayamuwasun.
Wayrapa kallpansi aypanqa 35 km./h.
Kay llaqtakunas parapa nuyusqan kanqaku:
Amazonas, Ancash, Apurímac,Arequipa, Ayacucho, Cajamarca, Cusco, Huancavelica, Huánuco, ICA, Junín, La Libertad, Lambayeque, Lima, Pasco, Piura, Puno.
¿Imatataq kay uma nanay amachanapaq SENAMHI nimuwachkanchik?:
– Sichu mayu patanpi yachaspaqa, allpata, utaq aqutas hatun wayqakunapi punkunchikpi churasun ama para yaku wasinchikman yaykunanpaq.
– Lluqllakuna, urqukuna tuñimunqa parapa huchanpi, chaypim hawkalla kananchik, ayqirikunapaq.
– Amas ima raykupas, yaku utaq desagüe buzonkunata kichanachu.
¿Imataq SINAMHIpa ruwayninkuna?
Paykunaqa kunan hina willamuwananchik ima atmosférico nanaykuna chayamunanta, llakimanta ayqinapaq. – SENAMHI nisqanqa huk Organización Meteorológica Mundialman (OMM) tupaqnin, chaypim tantiyanakuy, umachanakuy, proyecto ruwananku, llapan tiqsi muyupi tupasqan lawman, chayna llapa llaqtakunata allin kawsayman apanankupaq.
Qillqaq: Ines Acosta
Revisión: Albino Benito