9 wara waranqa Perú suyu llaqtayuq runakunas hatu hatun ñakariypi rikurichkanku,
lluqllakuna mastarikurusqanhawa.
República diariontam willakuy chayamuchkan, chaypim nin: Cajamarca, Piura, La Libertad, huk llaqtakunapiwansi ñakarinqaku nisyu nisyu puquy uku killakunapi para nisyuyaykamuptin.
Kaymansi llaki yapakamun El Niño sutiyuq para kallpa chayamusqan rayku.
Lima sullka suyumanpas, mayu, sunqunman chayamuqkunas llumpa llumpay wiñarisqa chayamuchkan Kay puquypa huchanpi.
Kayraykum Centro Nacional de Estimación, prevención y Reducción del Riesgo de Desastres (CENEPRED) willamuwachkanchik , 9 wara waranqa Perú runakunas hatu hatun ñakariypi rikukuchkanku ñataq qaqapay utaq lluqllakunapa huchankunapi.
Estadística chaynallataq pronóstico nisqankum willamuwachkanchik SENAMHIwan:
3.5 wara waranqa runakunas ñakariyman yaykunqaku kay parakunapa chayamusqan rayku.
Cajamarca llaqtallapis 4588 centros poblados sutiyuq llaqtakuna, Hinaspapas 5000 wasikunas sasachakuyman yaykunqaku.
Piura llaqtapi 1928 llaqtakuna, 218 Centro de Salud, Hinaspapas 1500 yachay wasikunas ñakariyman yaykunqaku.
Kunan ripuq punchawkunallapim 8 runakunas wañukunku kay lluqllakuna, wayku qaqapayninkunapa huchanpi. Chaynallataqsi Ayabaca, Huancabambantin llaqtakunapas rakinasqa kachkanku wakin llaqtakunamanta.
Manas chayllachu, 5.5 wara waranqa llaqtamasinchikunas hatu hatun llakiman yaykunqaku kay parakunapa huchanpi:
Piura : 369.207
Cajamarca: 237.744
La Libertad: 91.786
Lambayeque: 49.376
Tumbes: 18.489.
CENEPRED umalliq Miguel Tamasaki, Repúlica diarioman willamun:
Manam huk llaqtakunapa sutin rikurimunraqchu, parasqanman hinam, maypim sasachakuy kanqa hiaptinqa SINAMHIm wallakamunqa, manam kay paraqa qichpanchik llaqtakunallapichu, parachkan Perú suyu llapan llaqtakunapim, urqukunapi, chaynallataq yunkakunapipas.
Lima sullkapi, provincia Cañete, Mala sutiyuq mayu wiñaramun Calango centro pobladopa tarpuyninkunata apaspa, chaynallataq yaku wasikunaman lliw yaykurun.
Chillón mayu, Rimaq mayukunapas llumpa llumpaytam wiñaramun hinaspam Chosica llaqtata ñakariyman churachkan.
ChayraqmI Hidrología SENAMHI nimun Chillón mayus QILLU LLIMPI peligropi kachkan 15. 52 mts./s Cubicuspis.
Rimaq mayuñataqsi kachkan 50.20 mts/s.
Chaypim Chosica umalliq alcalden Oswaldo Vargas nin, manas kay llakikuna amachanankupaq ANA sutiyuq umalliqkuna imatapas ruwasqakuchu. Chaynallataqsi aswan manchapa kachkan Carapongo mayu, hanaqninkunapi allpakunapas.
Huánuco llaqtapis atiparamun Huertas mayu, chaypim panllurachin Huascar llaqtaman apaq ñankunata Ambo llaqtapi.
Chaynallataqsi Huallaga mayupipas SENAMHI puka llimpiwan mayupa kallpanta tupuramun. Kay lawpim kachkan kay llaqtakuna:
Taruka, Tingo María
San Rafael.
Kunan Punilla SENAMHI nimuwanchik 16 wayqukunas wiñariramunmanku, chaypim nichkan Leoncio Prado, Pachitea, Puerto Inca, asuchunku mayu patankunamanta.
Huánuco Regionpi. Chaynallataq willamun Oxapampa, Pasco Regionpi ñakariyman llaykusqanta.
Qillqaq: Ines Acosta
Revisión: Albino Benito