Mama Dina Boluarte, Perú suyu umalliq mamallam kaq patamanta llaqtanpa rimayninpi rikurin, kay willakuymi lliw suyupi qusñi hina mastarikurun.
Makinpim rikukun huk Rolex markayuq riluk, chaymi llumpa llumpa qullqipa chanin, chaymi qayllas tapukuchkanku ima qullqiwanmi rantin, imaynataq, llaqtan sasachakuypi kachkaptin pay qullqisapa, kumuykachachiwaspanchik apullaña purinqa. Manam kay ruwaynin allinchu.
Periodistakuna tapuptinmi pay kutichin ” Chay rikukqa ñawpa ñawpa pachamantaraqmi ñuqapa nin, hinaspapas ama ñuqapa kikiypa imayna kawsayniyman churakuychikchu nispa nin.
Manayá kay kutichiynin allinchu, llullakuchkansi.
Chay qullqipa atipasqan markayuq rilukqa Sapa wata lluqsiyninpi markayuqsi. Riqsiqninkupa qaqwapasqan hawam tayta David Sun nin: manam ñawpa ñawpa rilukchu, sapa riluk paqariyninwanmi suti riqsiylla markayuq lluqsimun nispan.
Chaymantapas, Perú Watch representantinmi nin: “Voto Informado” nisqanpim qallariyllanta
Willakunman karqa imaynam wasin, carronmanta
Willkusqanta hina, ichaqa upallakuykun, manam kay ruwaynin allinchu.
Tayta Samuel Rotta, Director Ejecutivo de Proéticam nin: manas ni pi Estadopaq llamkaq ima raykupas qukuykunata chaskinmankuchu. Chay ruwaywansi huchallikun. 2021 watapis lluqsimusqa huk Directiva, chaypis kamachikun lliw pim imapas qusqanta qayllas funcionariokuna willakunankupaq.
Mama Dina Boluartem 2018 watamanta kunankama willakun kaynata nispan:
Wasiymi Surquillopi kan yaqa S/.343, 000 pa chanin.
Kapuwan huk carro auto Modelo CR_V S/. 85, 000 pa chanin. Kay willakuymi lluqsimun Informe de la Encerrónapi.
Dina Boluarte Ministra kaspan, killan killan qullqicharqa S/. 30,000; kunan Perú Suyu umalliq kaspanñataqmi S,/. 15,000 uraykun.
Willakurqataqmi, paysi watanpi chaskiq S/. 46,000 Reniekpi llamkasqan rayku S/. 19,000 qullqicharqa Sector Públicopi llamkasqan rayku.
Imañamá kay kawsakuyninchikqa qariraq, warmiraq kaynata yukawanchik.
Perú Suyu umalliqta tapuptinkum nin: chuyay chuyay makiyuqmi umalliq yaykumuni; Chaynallataqmi chuyay chuyay makintim ripuwaq. Chaynatam tayta mamay uywawarqa, hinaspapas chaynatam ADN kamachiwan nispan. Investigación ruwasqankupim tarichkanku, Ayacuchopi Gobernador Regional, Wilfredo Oscorimas kay Perú Suyu umalliqpa yanapaqnin, paysi ñawpaqmanta pacha Rolex rikukkunata kamachikuqkunam quq, Ichaya pay kay uma nanaypi kachkan.
Qillqaq: Ines Acosta
Revisión: Albino Benito