Manam kay ruwasqanku allinchu – ninkum.
Ministerio del Interior umalliq Mariano González punim nimun, Rondas Campesinas nisqanku huñum; periodista Eduardo Quispetawan, Elmer Valdiviezota Cajamarcapi secuestrasqankuta, Paypas ninmi manam kay ruwayninku allinchu nispa.
Eduardo Quispem, reportero, Elmer valdiviezoñataqmi intichaw Cuarto Poderpa Camarógrafo Kanku.
Kay secuestro qukurqa kay ripuq suqta punchaw, anta sitwa killa, 2022 watapi, Chadín sutiyuq comunidadpi, Chota Cajamarca llaqtapi.
Mariano Gonzalezmi general PNP Luis Verawan huñunakurqanku Ministerio del Interiorpi Cuarto Poderpa Directornin Mauricio Aguirrewan, hinaspapas Eduardo Quispe, Elmer Valdiviezopiwan, llapanku chiqap huñunnkuna kutichipusqankuta rikunankupaq.
Sapaqpiñataqmi, umalliq rimamurqa, libertad de prensa nisqan chiqap kasqanta, hinaspam nirqa ñuqaykuqa kay iskaynin periodistakunatam sayapaniku, paykunaqa Pedro Castillo, Peru suyu umalliqpa ruwasqantam reportajeta ruwaspanku maskachkarqaku.
Prensa nisqanpa llamkayninqa democracianchikpiqa ancha ancha kaqmaniyuqmi, chaymi niniku mana allin kay ruraypa kasqanta. Manan chaskiymankuchu, chaymi llapachallan huklla niyniykuta paykunaman quniku, hinaspam kay umalliq nin mana punim kay pantaykunaqa musuqmanta kayta atinchu nispan.
Mariano Gonzaleztam Congresoman kamachiwan qayachin, Cajamarcapi kay periodistakunapa secuestrasqa kasqankurayku.
Cajamarcapi Rondas Campesinas huñukunañataqmi manam ñuqaykuqa pitapas secuestranikuchu ninku, hinaspapas kutichikamunku manam Peru suyu, Pedro Castillo umalliqmanpas sayanikuchu, ñuqaykuqa sapallaykum kaniku ima ruwaypi utaq ima rimanakuypipas, utaq yuyaymanaypipas nispanku. Rondas Campesinas huñukunaqa kutichikamunkum kay mana allinkunataqa America Tv. Periodistakuna Eduardo Quispe, Elmer Valdiviezo, Cuarto Poderpa atipaynintaqa manam ruwanikuchu nispanku.
Qillqaq: Ines Acosta.
Revisión: Benito Zuasnabar.