Hampiq tayta Arturo Pareja, Centro de Investigación de Virología Hatun yachay wasi San Martín de Porraspi umalliqninmi RPP WAYRA WASINANTA nimuwanchik.
Kay BIVALENTE vakunakunam pawkar waray killa 2024 watapiraq puchukanqa, chaykama lliw qayllas vakunachikunkuch.
Nimuntaqmi kay vakunakunam 18 killa puchukasqan hawakama allinraq churachikunapaq nispan.
Hinaspapas refuerzo nisqatas chaskina kanqa monovalente chayamuq vacunawanpas.
Willakamunkutaqmi MINSAmanta puchukaq vakuna churay munasqanku rayku, hallas runakuna siminkuta michakuspa uqarisqanku rayku.
Nisqankupi hina manas 18 puchukasqan killakama utinraqchu hampikuynin.
Kay BIVALENTE vacunakunas aswan allin machu payachakunapaq, ñawpa wirus, kay omicron hinaspapas mudaqninkuna hampisqan rayku.
Hina Kay BIVALENTE, monovalente vakunakuna churachikusqanku hawa hina qipanman, 2 killa puchukasqan hawa refuerzuta monovalente vacunawan churachikuna kanqa.
Kay hampiq tayta Arturo Parejataqmi hina RPP wayra wasipi nin:
Lliw llaqta 60 watanmanta wichayman kaqkunam 2 dosis BIVALENTE vacunata chaskiyta atinku.
Llaqta 60 watankunaman manaraq chayaqkuna, churachikunqaku chullalla dosis BIVALENTE vakunata.
Kay hampiq tayta Parejam puchukayninpiña nimun:
Kay BIVALENTE vakunakunam puchukayninman pawkar waray killapi yaykunqa, chaykama hayllas vakunachikuychik. Kay utqaylla chayamuq monovalente vakunakunawansi machu payachakuna refuerzota churachikunanku, 2 killa vakunachikusqsnkupa qipanman.
Qillqaq: Ines Acosta
Revisión: Albino Benito